Miss Naomie yiyamye abibaza ku kuba atarabyara

Miss Naomie yiyamye abibaza ku kuba atarabyara

Nyampinga w’u Rwanda ubitse ikamba ry’umwaka wa 2020, Nishimwe Naomie yikomye umwe mu bakoresha imbuga nkoranyambaga wagaragaje ko amaze igihe ataratwita, amubwira ko iby’inda ye atari umushinga rusange.

Miss Nishimwe yavuze ibi ashingiye ku butumwa bwansitswe n’uwitwa Edman Ishimwe wanditse amagambo asa nkaho ari ukwibasira Miss Naomie n’umuryango we abinyujije ku rubuga rwa ‘X’.

Icyo gihe Edmond yaranditse ati: “Umwaka urahise n’undi uratashye, Miss Naomie akoze ubukwe, ariko nta kanunu ko gusama.”

Miss Nishimwe yahisemo kumwiyama anamusaba ko agomba kumwubaha, ntazongere kwiha kugenzura ubuzima bwe.

Yanditse ati: “Ni nde waguhaye inshingano zo gugenzura ubuzima bwanjye? Inda yanjye si umushinga rusange nshuti. Shaka indi ngingo uganiraho, twubahane.”

Miss Nishimwe Naomie na Michael Tesfy bashyingiranywe tariki 29 Ukuboza 2024, ubukwe bwari bwizihiye inshuti n’imiryango.

Ubu butumwa bwa Nishimwe buje bukurikira ubundi yaherukaga kwandika yihaniza abari bibasiye umugabo we bavuga ko ari umukene basangizanya amafoto agaragaza ko yari ari mu modoka rusange itwara abagenzi.

Ni nyuma kandi y’uko Miss Nishimwe aherutse kumurika igitabo yanditse yise ‘More than a Crown’ gikubiyemo ubuzima bwe bwite mu rwego rwo gutera imbaraga abadafite uko bavuga kandi bafite ibikomere.

Miss Naomie yabwiye abibaza impamvu adasama ko kubyara kwe atari umushinga rusange
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27