U Buyapani: Meya yasabye imbabazi nyuma yo kwita abantu ibigoryi

U Buyapani: Meya yasabye imbabazi nyuma yo kwita abantu ibigoryi

Umuyobozi w’Umujyi wa Yokohama mu Buyapani yasabye imbabazi nyuma yo gutuka abo bakorana ko ari ibigoryi, umwanda kandi ari ibicucu bitagira ubwenge ndetse badafite ubushobozi buhagije.

Meya Takeharu Yamanaka yasabye izo mbabazi nyuma yo gushinjwa ku mugaragaro n’Umuyobozi ushinzwe abakozi ko yakoresheje amagambo asesereza.

Mu kiganiro n’abanyamakuru, umuyobozi ushinzwe abakozi, Jun Kubota, yavuze ko Meya Takeharu Yamanaka yakoresheje amagambo mabi asuzuguza abakozi kandi bigaragaza ihohotera mu kazi.

Gusa Yamanaka yabanje guhakana ibyo ashinjwa, ariko nyuma aza kwemera bimwe muri byo ndetse anabisabira imbabazi.

Uwo muyobozi anashinjwa gutera ubwoba Kabota no kumwibasira amubwira ko yakagombye kuba yariyahuye nyuma yo kunanirwa kuzuza inshingano ubwo yamaraga kunanirwa gutsinda isoko rigamije gutuma uwo mujyi wakira inama mpuzamahanga.

Nubwo Meya Yamanaka yasabye imbabazi ariko hari abandi bakozi basabye ko yakorwaho iperereza ryimbitse.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27