Amagaju FC yatandukanye na Niyongabo Amars n’abunguriza be

Amagaju FC yatandukanye na Niyongabo Amars n’abunguriza be

Ikipe ya Amagaju FC yatangaje ko yatandukanye na Niyongabo Amars wari umutoza Mukuru wayo ndetse n’abanguriza be kubera umusaruro mubi iyi kipe imaranye igihe muri Shampiyona.

Ni icyemezo iyi kipe yafashe kuri uyu wa Mbere, tariki ya 12 Mutarama 2026, nyuma yo kunyagirwa na Al Hilal SC ibitego 8-0 mu mukino w’Umunsi wa 15 wa Shampiyona wakinwe ku Cyumweru.

Uyu mutoza w’Umurundi yari amaze imyaka ibiri n’igice atoza Amagaju FC, aho yayigezemo muri Kamena 2023.

Iyi kipe yari imaze igihe ifite umusaruro mubi kuko yatsinze imikino itatu, inganya itatu, itsindwa 10 mu mikino 16 imaze gukina muri Shampiyona.

Asize Amagaju FC ari ku mwanya wa 16 n’amanota 12, iyi kipe izasoza imikino ibanza ya Shampiyona yakira APR FC ku wa Gatatu, tariki ya 14 Mutarama 2026, kuri Stade ya Muhanga.

Amagaju yatandukanye na Niyongabo Amars wari umutoza mukuru wayo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27