Ibiciro byiyongereyeho 8% mu 2025

Ibiciro byiyongereyeho 8% mu 2025

Ibiciro mu Rwanda mu kwezi k’Ukuboza 2025 byiyongereyeho 8% ugereranyije n’Ukuboza k’umwaka wa 2024. Ni mu gihe mu Ugushyingo 2025 ibiciro byari byiyongereyeho 4,1%.

Ikigo cy’Igihugu cy’Ibarurishamibare (NISR) cyatangaje ko mu byatumye ibiciro byiyongera harimo ibiciro by’ibiribwa n’ibinyobwa bidasembuye byiyongereyeho 1%, iby’ibinyobwa bisembuye n’itabi byiyongereyeho 15,1% mu gihe iby’inzu, amazi, amashanyarazi, gaze n’ibindi bicanwa byiyongereyeho 4,9%.

Ibiciro by’ibijyanye n’ubuvuzi byiyongereyeho 63,6%, iby’ubwikorezi byiyongeraho 7,8%.

Igipimo cy’Ibiciro ku Isoko ry’Abaguzi (CPI) mu Rwanda, cyiyongereyeho 8% ugereranyije n’umwaka ushize mu kwezi k’Ukuboza 2025, kivuye kuri 7.2% byariho mu kwezi k’Ugushyingo 2025.

Mu kwezi k’Ukuboza 2025, icyiciro cy’ibiribwa n’ibinyobwa bidasindisha cyiyongereyeho 3.6% ku mwaka, ariko kigabanyukaho 0.6% ugereranyije n’ukwezi kwabanje.

Ibinyobwa bisembuye, itabi byiyongereyeho 16.7% ku mwaka, mu gihe byagabanyutseho 0.5% ku kwezi.

Igiciro cy’inzu, amazi, amashanyarazi, gaze n’ibindi bicanwa cyiyongereyeho 8.4% ku mwaka, cyiyongeraho 0.3% ku kwezi.

Ubuzima bwiyongereyeho 70.8% ku mwaka ariko buguma ku rwego rumwe ugereranyije n’ukwezi kwabanje.

Icyiciro cy’ubwikorezi cyiyongereyeho 9.4% ku mwaka ndetse cyiyongeraho 0.6% ku kwezi. Icyiciro cya resitora na hoteli cyiyongereyeho 17.4% ku mwaka, cyiyongeraho 0.1% ku kwezi.

Ibi bipimo bigaragaza ko ibicuruzwa byo mu gihugu byiyongereyeho 7.3% ku mwaka, ariko bigabanyukaho 0.2% ku kwezi, mu gihe ibicuruzwa bitumizwa mu mahanga byiyongereyeho 10.1% ku mwaka ndetse byiyongeraho 0.4% ku kwezi.

Ibiciro by’ibicuruzwa bikomoka ku buhinzi n’ubworozi (fresh products) byiyongereyeho 3.6% ugereranyije n’umwaka ushize, ariko bigabanyukaho 1.2% ugereranyije n’ukwezi kwabanje.

Ibiciro by’ingufu (energy) byiyongereyeho 14% ku mwaka, ndetse byiyongereyeho 0.8% ku kwezi.

Ibiciro by’igipimo rusange hatabariwemo ibicuruzwa bikomoka ku buhinzi n’ubworozi n’ingufu (general index excluding fresh products and energy) byiyongereyeho 8.9% ku mwaka, byiyongeraho 0.3% ku kwezi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27