Rutanga Eric ku myaka 34 yahagaritse gukina umupira w’amaguru

Rutanga Eric ku myaka 34 yahagaritse gukina umupira w’amaguru

Umukinnyi wari usanzwe ukina yugarira ku ruhande rw’ibumoso,Rutanga Eric, yatangaje ko yasezeye gukina umupira w’amaguru nk’uwabigize umwuga,akaba yari afite imyaka 34 y’amavuko

Ni icyemezo gikubiye mu butumwa yanyujije ku mbuga nkoranyambaga ze ku mugoroba wo kuri uyu wa Gatatu, tariki ya 7 Mutarama 2026, asezera abamufashije mu rugendo rwe rwo gukina umupira w’amaguru.

Rutanga Eric yashimiye amakipe yose yanyuzemo n’abayobozi bayo ku rukundo bamugaragarije.

Ati” Warakoze umupira w’amaguru.
wampaye intego, imyitwarire, amasomo n’ibihe bitazibagirana. Warandeze ,unyigisha guhangana, kwizera no gukura mu buzima.

Ndashimira amakipe yose, abatoza, abakinnyi twakinanye, abayobozi n’abafana bose bangiriye icyizere kandi bakanyitaho mu rugendo rwanjye.

Urukundo n’inkunga mwampaye bizahora mu mutima wanjye.”

Yakomeje avuga ko “ atari ugusezera ahubwo ari ugushimira ku byo umupira wampaye n’abantu bose bawugize uwo wari wo kuri njye.

Urugendo rwanjye rwo gukina umupira nk’uwabigize umwuga naha rurangiriye”.

Rutanga w’imyaka 34 yazamukiye mu ikipe ya APR FC yavuyemo yerekeza muri Rayon Sports, Gorilla na Police FC,

Yari umwe mu bakinnyi beza muri Shampiyona y’u Rwanda bazwiho gutera imipira iteretse izwi nka “ Coup Franc”.

Benshi bamwibukira kuri Coup Franc yatereye Rayon Sports inganya na Gor Mahia yo muri Kenya mu 2018 mu mikino y’amatsinda ya CAF Confederation Cup.

Rutanga Eric(uwa gatatu iburyo) yakiniye ikipe y’igihugu “Amavubi”
Rutang yazamukiye mu ikipe ya APR FC
Rutanga yaherukaga gukinira Gorilla FC
Rutanga yanyuze no muri Police FC yahesheje Igikombe cy’Amahoro cya 2024
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27