Riderman yateguje igitaramo cyo kwizihiza imyaka 20 amaze mu muziki

Riderman yateguje igitaramo cyo kwizihiza imyaka 20 amaze mu muziki

Umuraperi uri mu beza u Rwanda rufite Gatsinzi Emery uzwi nka Riderman, yashimiye abakunzi be abateguza ko muri 2026 azakora igitaramo cyo kwizihiza imyaka 20 amaze mu muziki.

Uyu muhanzi ni we wafunze urubyiniro mu gitaramo Kevin Kade yizihirijemo imyaka itanu, amaze mu muziki cyabaye tariki 31 Ukuboza 2025, yerekwa urukundo rudasanzwe n’abitabiriye.

Riderman yaririmbye inyinshi mu ndirimbo ze zakunzwe zirimo Polo, Mambata yafatanyije na Safi Madiba, Ikinyarwanda yafatanyije na Bruce Melodie, Till I die yahuriyemo na Urban Boyz n’izindi aziririmbana n’abakunzi be.

Mbere y’uko ava ku rubyiniro Riderman wari warenzwe n’urukundo yeretswe yashimiye abakunzi be abateguza igitaramo cyo kwizihiza imyaka 20.

Yagize ati: ” Ndabashimira urukundo mwanyeretse kuva natangira umuziki mu 2006 muri uyu dutangiye nzaba maze imyaka 20.”

Yongeraho ati:” Muri uyu mwaka dutangiye nzakora igitaramo cyo kwizihiza imyaka 20 maze mu muziki, nzaba ndi kumwe n’abantu batandukanye by’umwuhariko ndifuza ko muzaba muhari.”

Mu biganiro bitandukanye Riderman yagiye avuga ko yatekereje ko yaba umuhanzi ubwo yigaga mu mwaka wa gatatu w’amashuri yisumbuye ari na bwo yakoze indirimbo ye ya mbere binyuze mu itsinda ryitwaga UTP Soldiers, atangirira ku ndirimbo ebyiri zirimo iyitwa ‘Byina’ icyo gihe hari muri Mata 2006.

Riderman yakomeje kwiharira igikundiro cy’abakunzi b’umuziki mu Rwanda kugeza ubwo mu 2013 yegukanye Primus Guma Guma Super Star ibintu byashimishije abakunzi b’ibihangano bye cyane.

Riderman afite abantu batatu mu bijyanye n’umuziki amaze kugira Album zirindwi n’iya munani yitwa ‘Icyumba cy’amategeko’ yahuriyeho na Bull Dogg.

Indirimbo nyinshi Riderman yaziririmbanye n’umuvandimwe we
Riderman yashimiye abakunzi be abateguza igitaramo cyo kwizihiza imyaka 20amaze mu kuziki
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27