Guinea-Conakry: Mamady Doumbouya yatsinze amatora ya Perezida

Guinea-Conakry: Mamady Doumbouya yatsinze amatora ya Perezida

Ibyavuye mu ibarura ry’agateganyo mu matora y’Umukuru w’Igihugu muri Guinea byagaragaje ko Gen Mamady Doumbouya wahiritse ubutegetsi bwa Perezida Alpha Condé mu 2021, ari we watsinze amatora n’amajwi 86,72%.

Gen Doumbouya ugiye kuyobora icyo gihugu muri manda y’imyaka irindwi ahigitse abandi bakandida umunani bari bahanganye, ndetse abantu benshi ni we bahaga amahirwe yo gutsinda ayo matora.

Kuva igisirikare cyafata ubutegetsi mu 2021, ku wa 28 Ukuboza nibwo Guinea ikoze amatora rusange.

Ibyavuye mu matora biracyafatwa nk’ibyagateganyo kugeza igihe Urukiko rw’Ikirenga ruzabyemeza bidasubirwaho, rukaba rufite iminsi umunani yo gusuzuma no kugenzura neza ibyatangajwe.

Abatavuga rumwe n’ubutegetsi banenze ayo matora bayita ikinamico ndetse bashinja Doumbouya gukandamiza abatavuga rumwe n’ubutegetsi n’abanenga imiyoborere ye.

Ayo matora yabaye, Alpha Condé n’Umuyobozi  ukomeye w’ishyaka ritavuga rumwe n’ubutegetsi Cellou Dalein Diallo, bari mu buhungiro mu gihe Komosiyo y’Igihugu y’Amatora yatangaje ko abantu 80,95% bari kuri lisiti y’itora bose bayitabiriye.

Gen Doumbouya yahoze ayobora Ingabo zo mu mutwe udasanzwe (special forces), yafashe ubutegetsi muri Nzeri 2021 ahiritse Perezida Alpha Condé, amushinja imiyoborere mibi, ruswa no kwangiza demokarasi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27