Igitaramo cya Israel Mbonyi cyari kubera i Rubavu cyasubitswe

Igitaramo cya Israel Mbonyi cyari kubera i Rubavu cyasubitswe

Itsinda ryateguraga igitaramo cya Israel Mbonyi cyiswe “Icyambu Live Concert” cyari giteganyijwe kubera mu Karere ka Rubavu, ryatangaje ko cyasubitswe.

Ni itangazo ryanyujijwe ku mbuga nkoranyambaga z’abagitegura mu gihe haburaga iminsi mike kugira ngo kibe.

Muri iryo tangazo, banditse bati: “Dushingiye ku busabe bwinshi twakiriye no ku rugendo rw’ibitaramo bya Icyambu biri kubera hirya no hino mu Rwanda, twifuza kumenyesha abantu bose ko igitaramo cya Rubavu cyasubitswe, hakazatangazwa indi tariki n’ukwezi mu gihe kiri imbere.”

Muri iryo tangazo, bamaze impungenge  abari baramaze kugura amatike bavuga ko bose bazavugana na bo ku giti cyabo, bagahabwa amahitamo abiri arimo: Gukoresha ayo matike mu bindi bitaramo bya Icyambu biri imbere, cyangwa Gusaba gusubizwa amafaranga yabo.

Abategura icyo gitaramo biseguye ku bakunzi ba Israel Mbonyi babasaba gukomeza kubashyigikira, bashimangira ko bazakomeza kwishimana n’abafana mu bindi bitaramo bya Icyambu biteganyijwe mu gihugu.

Byari biteganyijwe ko icyo gitaramo cyari kuba tariki 01 Mutarama 2025,  kikabera kuri Sitade Umuganda, ndetse kikaba cyari kimwe mu byo ateganya gukorera mu Rwanda hose.

Ibitaramo yise Icyambu bimaze gukundwa no kumenyekana cyane
Igitaramo Icyambu cyagombaga kubera i Rubavu cyasubitsee
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27