Guinea-Conakry: Abakabakaba miliyoni 7 bazindukiye mu matora y’Umukuru w’Igihugu 

Guinea-Conakry: Abakabakaba miliyoni 7 bazindukiye mu matora y’Umukuru w’Igihugu 

Kuri iki Cyumweru, abaturage ba Guinea hafi miliyoni 7 biyandikishije, baramukiye mu matora y’Umukuru w’Igihugu ashobora gutuma Gen Mamady Doumbouya, wahiritse ubutegetsi mu 2021, atsindira kuyobora icyo gihugu muri manda y’imyaka irindwi.

Biteganyijwe ko ibizava  mu matora bishobora kuzatangazwa hagati y’iminsi ibiri n’itatu nyuma y’amatora.

Mamady Doumbouya ni we uhabwa amahirwe yo guhigika abandi bakandida umunani ahanganye na bo, mu gihe uwahoze ari Perezida w’icyo gihugu Alpha Condé n’umuyobozi w’ishyaka ritavuga rumwe n’ubutegetsi rya UFDG Cellou Dalein Diallo,  bari mu buhungiro.

Ishyaka ritavuga rumwe n’ubutegetsi ryasabye abayoboke baryo kwanga kwitabira amatora, rigagaragaza ko ku butegetsi bwa Doumbouya yabaniganye ijambo akabangamira n’ibikorwa byabo ndetse akanahungabanya ubwisanunzure bw’itanganzamakuru.

Umuyobozi wa UFDG Diallo, yamaganye ayo matora avuga ko ibyo barimo ari ikinamico igamije guha ishingiro gufata ubutegetsi mu buryo buteguye.

Muri Nzeri, binyuze muri kamarampaka  Guinea yemeje Itegeko Nshinga rishya ryemerera abayobozi ba gisirikare kwiyamamariza kuyobora Igihugu, ryongera n’imyaka ya manda iva ku myaka itanu igera kuri irindwi, byose biharurira inzira Doumbouya.

Gen Doumbouya yahoze ayobora Ingabo zo mu mutwe udasanzwe (special forces), yafashe ubutegetsi muri Nzeri 2021 ahiritse Perezida Alpha Condé, amushinja imiyoborere mibi, ruswa no kwangiza demokarasi.

Doumbouya yavuze ko Alpha Condé yahinduye Itegeko Nshinga mu 2020 agamije kwiyongerera manda ya gatatu, amushinja akarengane, kuniga ijambo ry’abatavuga rumwe n’ubutegetsi, itonesha no gushyira Igihugu mu bibazo bikomeye bya politiki.

Mamady Doumbouya ni we uhabwa amahirwe yo kwegukana intsinzi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27