U Burusiya: Abapolisi babiri baguye mu gitero cyagabwe i Moscow

U Burusiya: Abapolisi babiri baguye mu gitero cyagabwe i Moscow

Abantu batatu barimo Abapolisi babiri baguye mu iturika ry’igisasu ryabereye mu Murwa Mukuru w’u Burusiya; Moscow.

Ubugenzacyaha  bw’icyo gihugu bwatangaje ko abo bapolisi bari mu kazi ko gucunga umutekano wo mu muhanda babonye umuntu uri kwitwara mu buryo budasanzwe ari hafi y’imodoka ya polisi ku muhanda  wa Yeletskaya, igihe bageragezaga kumwegera ngo bamufate igisasu gihita giturika.

Abo bapolisi bombi bahise bapfa ndetse  n’undi muntu wari hafi aho.

Iryo turika ryabereye hafi y’aho Umujenerali w’u Burusiya aherutse kwicirwa mu ntangiriro z’iki cyumweru   na we agabweho igitero mu modoka ye.

Umuvugizi wa Komite y’Ubugenzacyaha y’u Burusiya, Svetlana Petrenko, yatangaje ko hari gukorwa iperereza  i Moscow kuri ubwo bwicanyi.

Nyuma y’iturika ry’ibisasu ryo ku wa 22 Ukuboza, u Burusiya bwavuze ko bukeka ko Ukraine  ari yo nyirabayazana w’urupfu rwa Gen Fanil Sarvarov nubwo ntacyo Ukraine yabivuzeho.

Sarvarov w’imyaka 56, yari umuyobozi w’Ishami rishinzwe amahugurwa n’imyiteguro y’ibikorwa bya gisirikare mu ngabo z’u Burusiya, akaba ari we musirikare wa gatatu ku rwego rwo hejuru wishwe n’ibisasu byatezwe i Moscow kuva mu mwaka ushize.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27