Amrouche utoza Amavubi yatangiye urugendo rwo gushaka abakinnyi i Burayi

Umutoza w’Ikipe y’Igihugu ‘Amavubi’, Adel Amrouche, yagiranye ibiganiro n’abakinnyi batatu bakina muri Shampiyona ya Azerbaijan, abasaba kuzakinira iyi kipe mu gihe kiri imbere.

Aba bakinnyi bavukana ni Joy-Slayd Mickels ukinira Karvan Yevlakh, Joy-Lance Mickels ukinira Sabah FK na Leroy Mickels wa Zira FK ikinamo na myugariro Mutsinzi Ange zose zo mu cyiciro cya Mbere muri Azerbaijan.

Aba bakinnyi bose bavuka kuri se w’Umunyarwanda, Mickels Jacques Akilimali na nyina w’Umunye-Congo.

Rutahizamu Joy-Lance Mickels yari yahamagawe mu Mavubi mu Ukwakira 2025 ariko agira imvune yatumye atitabira ubutumire.

Abakinnyi bose bitezwe mu Ikipe y’Igihugu izakinwa imikino ya FIFA Series iteganyijwe muri Werurwe 2026.