Mozambique: Inzego z’umutekano z’u Rwanda zitabiriye Siporo Rusange

Mozambique: Inzego z’umutekano z’u Rwanda zitabiriye Siporo Rusange

Abagize Inzego z’Umutekano z’u Rwanda (RSF) ziri  mu Ntara ya Cabo Delgado mu Majyaruguru ya Mozambique,  ku Cyumweru tariki ya 21 Ukuhoza,  bitabiriye igikorwa cya Siporo  Rusange aho bari kumwe n’abaturage ndetse n’abayobozi b’inzego z’ibanze.

Iki gikorwa cyateguwe n’ubuyobozi bw’Umujyi wa Mocímboa da Praia, kigamije gukomeza ubumwe n’imikoranire hagati y’inzego za Leta n’abaturage, banishimira umutekano umaze kugerwaho, ndetse no kugaragaza uruhare rwa siporo mu guteza imbere ubuzima bwiza.

Nyuma y’iki gikorwa, abayobozi baganirije abitabiriye iyi siporo, bashimangira akamaro n’intego z’ibi bikorwa bigamije guteza imbere imikoranire myiza n’imibereho myiza y’abaturage.

Mu izina ry’Inzego z’Umutekano z’u Rwanda, ACP Bertin Mutezintare, yijeje abaturage ubufatanye mu by’umutekano.

Yashimangiye ko ari ngombwa gukorana bya hafi n’abaturage mu bikorwa rusange, anagaragaza icyifuzo cyo kwagura bene iyi siporo rusange mu ntara yose.

Umuyobozi w’Umujyi wa Mocimboa da Praia, Madamu Helena Bandeila, yashimiye cyane Inzego z’Umutekano z’u Rwanda n’iza Mozambique ku ruhare bagira mu kubungabunga amahoro n’umutekano mu Ntara ya Cabo Delgado.

Yanashishikarije abayobozi b’Inzego z’ibanze gukangurira abaturage kwitabira Siporo Rusange ya buri cyumweru, agaragaza ko gukora imyitozo ngororamubiri buri gihe ari ingenzi mu kubungabunga ubuzima bwiza.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27