Gufunga resitora, utubari n’utubyiniro byongerewe igihe mu Minsi Mikuru

Gufunga resitora, utubari n’utubyiniro byongerewe igihe mu Minsi Mikuru

Urwego rw’Igihugu rw’Iterambere (RDB) rwatangaje ko mu rwego rwo kwishimira Iminsi Mikuru isoza umwaka, amasaha yongerewe kuri serivisi zitangwa mu ijoro zirimo utubari n’utubyiniro na resitora.

Mu itangazo RDB yashyize ahagaragara kuri iki Cyumweru tariki ya 21 Ukuboza 2025, ryemeje ko ayo mabwiriza atangira kubahirizwa ku Mbere tariki 22 Ukuboza 2025 kugeza tariki 5 Mutarama 2026.

RDB yemeje ko amasaha yo gufunga mu mibyizi ari saa cyenda z’ijoro (kuva ku wa Mbere kugera ku wa Kane).

Ni mu gihe ku wa Gatanu, impera z’icyumweru n’iminsi y’ibiruhuko serivisi zizajya zitangwa amasaha 24 kuri 24.

Muri iryo tangazo, RDB yubukije ko amabwiriza asanzwe arimo kugabanya urusaku no kudatanga cyangwa kutanywa inzoga ku bantu bari mu munsi y’imyaka 18, azakomeza kubahirizwa.

Abaturarwanda basabwe ko bakwiye kunywa mu rugero kandi barikinda gutwara ibinyabiziga banyoye ibisindisha no guha inzoga umuntu bigaragara ko yasinze.

Amasaha serivisi zirimo Utubari na Resitoro yongerewe mu gihe cyo gusoza umwaka wa 2025
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27