Iteramakofi: Anthony Joshua yatsinze Jake Paul yegukana miliyari 134 Frw

Iteramakofi: Anthony Joshua yatsinze Jake Paul yegukana miliyari 134 Frw

Umwongereza, Anthony Joshua, yakubise ingumi mugenzi we Jake Paul wo muri Leta Zunze Ubumwe za Amerika, yegukana intsinzi y’uwo mukino w’iteramakofe, ahabwa amadolari ya Amerika asaga miliyoni 92 z’Amadolari ya Amerika asaga  miliyari 134 z’Amafaranga y’u Rwanda.

Uyu mukino w’ishiraniro wanyuraga kuri NetFlix wabereye Kaseya Center mu Mujyi wa Miami muri Leta Zunzwe Ubumwe za Amerika mu rukerera rwo kuri uyu wa Gatandatu, tariki ya 20 Ukuboza 2025.

Ni umukino wari wateguwe n’ikipe ya  Jake Paul wifuza kwandika amateka yo gutsinda Anthony Joshua uri mu bakinnyi bakomeye ku Isi mu mikino njyarugamba.

Wari umukino wa mbere kuva muri Nzeri 2024 Anthony Joshua yongeye gusubira mu kibuga nyuma y’uburwayi bwabanje kumusaba kwiyitaho.

Abakunzi b’uyu mukino bari bazi ko Anthony w’imyaka 36 ufite ibilo 111, aza kurusha cyane Paul w’imyaka 28 ufite ibilo 98, ariko byamusabye kugera ku gace ka gatandatu kugira ngo amukubite igipfunsi cy’ingusho cyatumye yemera ko atsinzwe ataruhanyije.

Ibinyamakuru bitandukanye byatangaje ko uyu murwano ufite agaciro miliyoni 184,40$ [asaga miliyari 268 Frw], harimo miliyoni 92$ [asaga miliyari 134 Frw] yegukanywe na Anthony.

Wari umukino ukomeye hagati y’impande zombi
Anthony Joshua yakubise ingumi Jake Paul ahita yegukana umukino
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27