Umutoza mushya wa Rayon Sports yijeje gukora amateka (Amafoto)

Umutoza mushya wa Rayon Sports yijeje gukora amateka (Amafoto)

Umutoza mushya wa Rayon Sports, Bruno Ferry, yageze i Kigali mu gitondo cyo kuri uyu wa Gatanu, tariki ya 19 Ukuboza 2025, yizeza ko agiye gukora amateka. 

Ku Kibuga cy’Indege Mpuzamahanga cya Kigali i Kanombe, yakiriwe na Irambona Eric umuyobozi ushinzwe Imiyoborere y’Umupira w’Amaguru muri Rayon Sports, na Uwizeyimana Sylvestre uzwi nka Wasili usanzwe ari Umuvugizi w’abafana.

Uyu mutoza yavuze ko nta byinshi yatangaza ariko ashishikajwe no gukora amateka muri iyi kipe ikunzwe na benshi mu Rwanda.

Yagize ati: “Nishimiye kuba ndi hano. Ntabwo navuga byinshi ubu ariko nshishikajwe gukora amateka muri iyi kipe.”

Uyu mutoza wasinye amezi atandatu azungirizwa na Lomami Marcel na Haruna Ferouz.

Ferry w’imyaka 58 yatoje amakipe arimo Azam FC yo muri Tanzania mu 2024, mu gihe yayivuyemo yerekeza muri AS Vita Club yo muri Repubulika Iharanira Demokarasi ya Congo ari na yo aherukamo.

Biteganyijwe ko akurikira umukino iyi kipe ikinamo na Gorilla FC kuri uyu wa Gatanu, guhera saa kumi n’ebyiri kuri Kigali Pelé Stadium.

Bruno Ferry yakiriwe yakiriwe na Irambona Eric umuyobozi ushinzwe Imiyoborere y’Umupira w’Amaguru muri Rayon Sports na Uwizeyimana Sylvestre uzwi nka Wasili usanzwe ari umuvugizi w’abafana
Bruno Ferry yavuze ko ashishikajwe no gukora amateka muri Rayon Sports
Bruno Ferry ni umutoza mushya wa Rayon Sports mu gihe cy’amezi atandatu
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27