DJ Etania yagaye Abagandekazi banga gupfukamira abagabo

DJ Etania yagaye Abagandekazi banga gupfukamira abagabo

Umunyamakuru akaba n’umwe mu bakobwa bavanga neza umuziki (DJ) muri Uganda Etania Mutoni yagaye abakobwa bo mu gihugu cya Uganda bavuga ko batapfukamira abagabo nk’ikimenyetso cyo kububaha, ashimangira ko nta mpamvu ifatika baba bafite.

Ni bimwe mu byo yagarutseho mu kiganiro yakoranye na kimwe mu bitangazamakuru bikorera kuri murandasi muri Uganda, avuga ko nta kibazo na gito abona mu gupfukamira umugabo bazashakana.

Ibyo byatumye ku mbuga nkoranyambaga habaho impaka, amaze gutangaza ku mugaragaro ko gupfukamira umugabo ari ikimenyetso cy’icyubahiro.

Yagize ati: “Bamwe muri mwe mupfukama kubera izindi mpamvu, none ntimwifuza gupfukamira abagabo mubaha amafunguro? mwirirwa muvuga ngo ‘sinzigera mpfukamira umugabo.”

Nyamara mushobora gupfukama gukora ibitari byiza. Ariko gupfukama muha icyubahiro abagabo banyu mukabigira ikizira. Nakuze mbona mama apfukama. Nubwo atari Umugande, yashatse mu muryango w’Abagande, kandi uwo ni wo muco wabo.”

Mutoni Etania yakomeje agaragaza ko gupfukamira umugabo abifata nk’umuco wo kubaha umugabo akibaza impamvu bamwe mu bagore bapfukama ku bw’izindi nyungu ariko bakabona ko gupfukamira abagabo babo ari ugusuzugurika.

Mutoni Etania ashimangira ko isenyuka ry’ingo ryiganje mu ngo zubakwa mu kinyajana cya 20, ahanini iterwa n’uko abakobwa n’abagore bataye uwo muco wo kubaha abagabo babo kandi byose bishingira ku kudaha agaciro imico gakondo imwe n’imwe.

DJ Mutoni avuze ibi mu gihe hashize iminsi avugwa mu rukundo n’umuhanzi Joshua Baraka
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27