Autralia: Konti za Facebook, Instagram n’izindi zikoreshwa n’abana zatangiye gufungwa

Autralia: Konti za Facebook, Instagram n’izindi zikoreshwa n’abana zatangiye gufungwa

Meta yatangiye gufunga konti z’imbuga nkoranyambaga zikoreshwa n’abana bari munsi y’imyaka 16 zirimo Facebook, Instagram, Threads nyuma y’itegeko rya Australia ribuza abana bari munsi y’iyo myaka gukoresha imbuga nkoranyambaga zose uhereye ku wa 10 Ukuboza 2025.

Kuri uyu wa 04 Ukuboza, Meta yavuze ko iri gukora ibishoboka ngo izabe yubahirije iryo tegeko bitarenze itariki yatanzwe.

BBC yatangaje ko sosiyete izananirwa kubahirizwa iryo tegeko izahanwa kandi izacibwa amande angana na miliyoni 32 z’amadolari ya Amerika.

Iri tegeko ryamaganwe na bamwe barimo n’abana bavuga ko rizagira ingaruka ku bana benshi mu gihugu cyane ko urubuga rwa Instagram rugaragaza abana barukoresha bari hagati y’imyaka 13-15 bagera ku 350,000.

Sosiyete zirimo YouTube zamaganye iryo tegeko, ivuga ko ari ukabangamira urubyiruko kandi ko bizatuma abo bana baba mu kaga n’ubwigunge ariko ibyo byatewe utwatsi na Minisitiri w’Itumanaho wa Australia, Anika Wells wavuze ko ubuzima bwabo buzakomeza uko bisanzwe.

Imiryango iharanira uburenganzira bwo kuri interineti irimo Digital Freedom Project, ivuga ko ari akarengane kagamije guhonyora ubwisanzure no gutanga ibitekerezo, bemeza ko bamaze kujuririra iri tegeko mu Rukiko Rukuru  rwa Australia.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27