Ambasaderi wa Zimbabwe mu Rwanda yasuye ibikorwa by’iterambere muri Gatsibo

Ambasaderi wa Zimbabwe mu Rwanda yasuye ibikorwa by’iterambere muri Gatsibo

Amb. Prof. Charity Manyeruke, uhagarariye igihugu cya Zimbabwe mu Rwanda, yasuye ibikorwa by’iterambere by’Akarere ka Gatsibo mu Ntara y’Iburasirazuba, anagirana ibiganiro n’ubuyobozi bw’ako Karere.

Mbere yo gusura ibikorwa by’iterambere, Amb. Prof. Munyeruke yagiranye ibiganiro n’umuyobozi w’Akarere Richard Gasana. Ibiganiro byabo byibanze ku bufatanye bw’ibihugu byombi.

Akarere ka Gatsibo katangaje ko uhagarariye Zimbabwe mu Rwanda yeretswe amahirwe ari mu Karere n’ahashobora gushorwa imari by’umwihariko mu buhinzi, uburezi, inganda n’ubukerarugendo.

Ubuyobozi bw’Akarere ka Gatsibo bubinyujije ku rubuga rwa X, bwagize buti: “Ambasaderi wa Zimbabwe mu Rwanda yasuye uruganda ‘Gatsibo Food Processing’ rutunganya umuceri, ibigori n’ibicanwa mu Murenge wa Kiziguro.”

Bukomeza buvuga ko yasuye ibitaro bya Ngarama byavuguruwe mu buryo bugezweho, bikaba bifasha abaturage kubona serivisi nziza kandi yihuse.

Ni uruzinduko akomeje kugirira mu Karere ka Gatsibo kuva ku wa Mbere tariki 24 Ugushyingo 2025. Biteganyijwe ko kuri uyu wa Kabiri Amb. Prof Munyeruke asura ikigo cy’ishuri cya TTC Kabarore kigishwaho n’abarimu baturutse muri Zimbabwe.

U Rwanda na Zimbabwe byashyizeho za Ambasade i Harare n’i Kigali mu mwaka wa 2019, mu rwego rwo kurushaho kwagura ubutwererane mu nzego zitandukanye.

Ibyo bihugu byombi bifitanye umubano wihariye ushingiye ku kuba bihuje byinshi mu birebana n’ingano y’ubukungu, abaturage intera y’iterambere n’amateka.

Amafoto: James Butare

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27