Abantu batandatu baguye mu gitero cy’ubwiyahuzi muri Pakistan

Abantu batandatu baguye mu gitero cy’ubwiyahuzi muri Pakistan

Abantu batandatu bapfuye abandi bataramenyekana umubare bakomerekera mu gitero cy’ubwiyahuzi cyagabwe ku kigo cya gisirikare giherereye i Peshawar muri Pakistan.

Icyo gitero cyagabwe ku kigo cya Federal Constabulary, (FC) mu gitondo cyo kuri uyu wa Mbere nkuko byatangajwe na Aljazeera, aho umwe mu bakigabye yiturikirijeho igisasu ari mu marembo y’ikigo.

Hari amakuru avuga ko abandi biyahuzi babiri bashatse kwinjira mu kigo ku ngufu ariko bahita baraswa.

Umuyobozi wa Polisi muri Peshawar, Mian Saeed Ahmad yavuze ko batatu mu bashinzwe umutekano bishwe mu gihe abandi biyahuzi batatu na bo bahasize ubuzima.

Saeed Ahmad, yavuze ko icyo gitero cyagabwe mu gihe abasirikare bari mu myitozo ya mu gitondo ubwo abo biyahuzi bashakaga kubamishamo ibisasu ariko bikaburizwamo bakiri ku marembo.

Iki gitero kibaye hadashize ibyumweru bibiri abandi biyahuzi biturikirijeho ibisasu hafi y’Urukiko mu murwa mukuru Islamabad, byahitanye abantu 12.

Minisitiri w’Intebe wa Pakistan, Shehbaz Sharif, yamaganye icyo gitero cya Peshawar, ashimira abasirikare uko babyitwayemo, yizeza ko bazakomeza guhangana n’ibikorwa by’iterabwoba bishaka kwangiza igihugu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27