Jean Chrysostome Rindiro yatorewe kuyobora AS Kigali 

Jean Chrysostome Rindiro yatorewe kuyobora AS Kigali 

Jean Chrysostome Rindiro yatorewe kuyobora AS Kigali muri manda y’imyaka ine, asimbuye Shema Fabrice uherutse gutorerwa kuyobora Ishyirahamwe ry’Umupira w’Amaguru mu Rwanda (FERWAFA).

Yatowe mu Nama y’Inteko idasanzwe yabaye kuri iki Cyumweru, tariki 23 Ugushyingo 2025, mu biro by’Umujyi wa Kigali.

Uyu mugabo azafatanya na Kankindi Anne Lyse wari usanzwe ari umubitsi watorewe kuba Visi Perezida, Fabrice Habanabakize ari we watorewe kuba Umunyamabanga Mukuru w’iyi kipe y’Umujyi wa Kigali.

Ku mwanya w’Umubitsi hatowe Chantal Habiyakare, Umujyanama mu bya Tenike ni Jonathan Harinditwari naho Umujyamana mu bya mategeko yagizwe Yves Sangano.

Mu bibazo agiye guhangana na byo ni ugushyira ku murongo uburyo bwo guhemba abakinnyi muri iyi kipe, dore ko mu myaka yatambutse ikibazo cy’amikoro cyakunze kuyigonga rimwe na rimwe iyi kipe bikayiviramo guhabwa ibihano na FIFA.

Iyi Kipe y’Umujyi ntiyagize intagiriro nziza muri uyu mwaka w’imikino dore ko kugeza ku Munsi wa Munani wa Shampiyona iri ku mwanya 15 n’amanota 5 gusa mu mikino irindwi imaze gukina mbere y’uko yakirwa na Rayon Sports Kuri iki Cyumweru, kuri Kigali Pele Stadium saa Cyenda z’amanywa.

Fabrice Habanabakize yagizwe Umunyamabanga Mukuru wa AS Kigali
Kankindi Anne Lise yatorewe kuyobora Kuba Visi Perezida wa AS Kigali
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27