Bonnie Mugabe yagizwe Umunyamabanga Mukuru wa FERWAFA

Bonnie Mugabe yagizwe Umunyamabanga Mukuru wa FERWAFA

Ishyirahamwe ry’Umupira w’Amaguru mu Rwanda (FERWAFA) ryagize Bononie Mugabe Umunyamabanga Mukuru, asimbuye Mugisha Richard wari kuri uwo mwanya by’agateganyo abifatanya no kuba Visi Perezida waryo  ushinzwe Tekinike.

FERWAFA yabitangaje kuri uyu wa Gatandatu, tariki ya 22 Ugushyingo 2025 mu itangazo yashyize ahagaragara rigaragaza ko Mugabe azatangira imirimo yahawe kuva tariki ya 1 Ukuboza 2025.

Iti: “Komite Nyobozi ya FERWAFA iramenyesha Abanyarwanda bose n’abakunzi b’umupira w’amaguru ko Bonnie Mugabe yagizwe Umunyamabanga Mukuru wa FERWAFA, guhera tariki ya 1 Ukuboza 2025.”

Mugabe afite ubunararibonye mu bijyanye n’umupira w’amaguru, yakuye mu kazi yakoze, haba  mu itangazamakuru rya siporo, mu nshingano zitandukanye muri FERWAFA, mu Impuzamashyirahamwe y’Umupira w’Amaguru muri Afurika (CAF) no muri FIFA.

Bonnie Mugabe yari asanzwe ari Umuyobozi mu Ishyirahamwe ry’Umupira w’Amaguru ku Isi (FIFA) ushinzwe Umutekano ku bibuga.

Uyu mugabo yakoze imyaka irindwi muri FERWAFA aho yatangiye ashinzwe itangazamakuru, aba Umuvugizi wayo abifatanya no kuba ushinzwe itangazamakuru muri CECAFA na CAF, aba no mu ishami rishinzwe amarushanwa.

Bonnie Mugabe afite impamyabumenyi y’icyiciro cya Gatatu ( Master’s Degree) mu bijyanye n’Imiyoborere n’Imicungire y’Umupira w’Amaguru, yakuye muri Kaminuza ya Leicester mu Bwongereza, akaba ari amasomo  atangwa ku bufatanye bw’ikigo cya CIES n’Ishyirahamwe ry’Umupira w’Amaguru ku Isi (FIFA).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27