Philippine: Abaminisitiri babiri beguye bakekwaho kunyereza umutungo

Philippine: Abaminisitiri babiri beguye bakekwaho kunyereza umutungo

Abaminisitiri babiri muri Philippine beguye kubera iperereza riri gukorwa ku byaha bya ruswa no kunyereza umutungo w’arenga miliyari 2 z’amadolari ya Amerika, yatikiriye mu bikorwa byo kurwanya ibiza biherutse kwibasira icyo gihugu.

Umuvugizi w’Ibiro bya Perezida w’icyo gihugu, Claire Castro yavuze ko Umunyamabanga mu Biro bya Perezida   Lucas Bersamin, n’Umunyamabanga wa Minisiteri y’Imari, Amenah Pangandaman, bamaze kwegura ku mirimo nyuma y’iperereza ryatangiye ku inyerezwa ry’umutungo muri Philippine.

Ikinyamakuru Aljazeera cyatangaje ko nubwo Perezida Ferdinand Marcos Jr atigeze ashaka kwijandika muri ibyo bibazo by’iperereza kuri ruswa ariko na we ari ku gitutu cy’abaturage bamusaba kwegura.

Ikibazo cya ruswa cyateje imyigaragambyo ikomeye mu gihugu hose, ndetse mu mpera z’icyumweru gishize abarenga 500 000 bateraniye i Manila barigaragambya bamagana ubutegetsi buriho, banashinja Perezida Ferdinand Marcos Jr gukoresha ibiyobyabwenge.

Mu mbwirwaruhame mushiki we, Imee Marcos yabwiye abitabiriye imyigaragambyo yavuze ko musaza we yatangiye gukoresha ibiyobyabwenge ku ngoma ya se, Ferdinand Marcos Sr wayoboye icyo gihugu kuva 1965 kugeza mu 1986, kandi nubu  akomeje kubikoresha.

Avuga ko gukoresha ibiyobyabwenge kwa musaza we byagize ingaruka ku miyoborere kuko byatumye afata ibyemezo bibi byashyize igihugu mu kaga birimo n’amafaranga yanyerejwe mu gihe cy’ibiza.

Philippine ikunze kwibasirwa n’ibiza birimo inkubi y’umuyaga n’imyuzure aho benshi bahasiga ubuzima ndetse bikangiza ibikorwa remezo.

Abaminisitiri babiri muri Philippine beguye bakekwaho kunyereza umutungo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27