U Rwanda rwakiriye abarwanyi ba FDLR 7 bari mu mashyamba ya RDC

U Rwanda rwakiriye abarwanyi ba FDLR 7 bari mu mashyamba ya RDC
Abarwanyi ba FDLR batashye ku wa 21 Ukuboza 2019 bavuye i Bukavu

Abarwanyi 7 b’umutwe w’iterabwoba wa FDLR ugizwe n’abasize bakoze Jenoside yakorewe Abatutsi mu 1994 igahitana abarenga miliyoni, bageze mu Rwanda nyuma y’imyaka 30 bari mu mashyamba ya Repubulika Iharanira Demokarasi ya Congo, RDC.

Valerie Nyirahabineza, Perezida wa Komisiyo y’Igihugu ishinzwe Gusezerera no Gusubiza mu Buzima busanzwe Abahoze ari Abasirikare (RDRC), yahamirije Imvaho Nshya ko abo barwanyi RDRC yabakiriye.

Ubutumwa yahaye Imvaho Nshya buvuga ko mu Banyarwanda 49 u Rwanda rwakiriye, 7 gusa muri bo ari abarwanyi naho abandi ari abagize imiryango yabo.

Radio Okapi yatangaje ko aba barwanyi batashye ku bushake bwabo bakaba baragejejwe mu Rwanda ku wa 10 Ugushyingo 2025.

Ivuga ko aba barwanyi nyuma y’iminsi itatu bari mu kigo babamo igihe gito, banyuze ku mupaka munini uzwi nka La Corniche uhuza Umujyi wa Goma muri Repubulika Iharanira Demokarasi ya Congo n’Umujyi wa Gisenyi mu Karere ka Rubavu.

Kuva mu 2001, RDRC imaze gusubiza mu buzima busanzwe abantu 12 602 bahoze mu mitwe y’inyeshyamba ikorera mu burasirazuba bwa Repubulika Iharanira Demokarasi ya Congo.

Mu bahoze mu mitwe yitwaje intwaro basubijwe mu buzima busanzwe, harimo n’abatahanye n’imiryango yabo.

 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27