Umusizi Ruga Triger yateguje Alubumu y’ibisigo yitiriye umukunzi we

Umusizi Ruga Triger yateguje Alubumu y’ibisigo yitiriye umukunzi we

Umusizi Rugamba wahisemo gukoresha amazina ya ‘Ruga Trigger’ yateguje Alubumu nshya yise ‘UN Rumuri’ ibyo avuga ko yayitiriye umukunzi we wamuhinduriye uko yabonaga ubuzima bw’urukundo.

Uwo musizi avuga ko iyo Alubumu iri mu mazina yose y’umukunzi we aho ay’ibanze arimo ‘Uwase’ icyakora akaba yarahisemo kuyandika mu mpine mu rwego rw’umutekano w’amazina y’umukunzi we udakunda kugaragara cyane mu itangazamakuru.

Ubwo yaganiraga na Imvaho Nshya, umusizi Ruga, yagaragaje impamvu yamuteye kwitirira umukunzi we umuzingo we wa mbere yitiriye igisigo ‘Rumuri’ yamutuye.

Yagize ati: “Ubusanzwe nandikaga ibisigo by’ubuzima busanzwe nakwandika ku rukundo nkandika ku nkundo zitagenze neza kubera ko ari byo bihe akenshi nabaga ndimo, maze guhura na we mu mpera za 2024.

Yaraje aba we wa nyawe, ntiyampatiriza nanjye kwigira uwo ntari we ahubwo amfasha kuba njyewe, hari ukuntu ibyo abakobwa badusaba bituma tugerageza kwigira abo tutari bo kugira ngo tubagumane, ariko mubonye yamfashishije kuzuza ahari icyuho muri njye.”

Ni Alubumu avuga ko izaba igizwe n’ibisigo 12 harimo 11 bisohoka kuri Alubumu na 1 atazashyira hanze yise ‘Nyumva wumvire’ kuko yacyanditse gishingiye ku buzima bwite bw’umukunzi we kandi atifuje ko kijya hanze.

Kugeza ubu mu bisigo 11 bigomba gusohoka kuri iyo Alubumu hamaze kujya hanze 10, hakaba habura 1 yise Rumuri ateganya gushyira hanze mu Ukuboza 2025.

Umusizi Ruga Trigger avuga ko ashimira cyane Producer R1 Go Crazy watunganyije iyo Alubumu kuva ku gisigo cya mbere kugeza ku cyo barimo gukoraho cya Rumuri kizayipfundikira.

Kugeza ubu Ruga Triger abarizwa muri LEAF Global Art, inzu ifasha abahanzi n’ababyinnyi, ifite inzu itunganya ibihangano (Studio) yitwa One Mic Studio.

Umusizi Ruga Trigger yateguje Alubumu y’ibisigo yitiriye umukunzi we
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27