Amavubi U17 yerekeje muri Ethiopia kwitabira CECAFA (Amafoto)

Amavubi U17 yerekeje muri Ethiopia kwitabira CECAFA (Amafoto)

Ikipe y’Igihugu “Amavubi” y’abatarengeje imyaka 17 y’abahungu yerekeje muri Ethiopia gukina CECAFA U-17 izatangira guhera tariki ya 15 Ugushyingo kugeza ku ya 2 Ukuboza 2025.

Mu gitondo cyo kuri uyu wa Mbere tariki ya 10 Ugushyingo 2025, ni bwo itsinda rigari ririmo abakinnyi n’abatoza bahagurutse mu Rwanda berekeza Addis- Abeba bayobowe na Komisieri ushizwe iterambere ry’Umupira w’Amaguru muri FERWAFA Kanamugire Fidele.

Mbere yo guhaguruka ku mugoroba wo ku Cyumweru, tariki ya 9 Ugushyingo 2025, iyi kipe yashyikirijwe ibendera ry’Igihugu na Perezida wa FERWAFA, Shema Ngoga Fabrice abasaba kwitwara neza bagahesha ishema Igihugu muri iri rushanwa.

Ati: “Mugiye guhagarira Igihugu atari ukugihagararira gusa ngo bababone ariko mukore amateka, mukagira inzozi zo kwitwara neza nkuko bagenzi banyu babikoze mu myaka yashize.” 

Amavubi U17 ari mu itsinda rya mbere hamwe na Ethiopia, Somalia, Kenya na Sudani y’Epfo.

Amakipe atatu azitwara neza muri CECAFA U17 azahita abona itike yo gukina Igikombe cya Afurika cy’Abatarengeje imyaka 17 kizabera muri Maroc mu 2026.

Abakinnyi 24 berekeje muri Ethiopia

Abanyezamu ni Irakiza Don Divin, Habimana Jacques na Inezaye Prince Gedeon.

Ba myugariro harimo Niyonzima Muhundi, Shyaka Khalifa, Niyompano Pacifique, Gisubizo Pacifique, Ishimwe Fred, Judah Fisher Anderson na Mukiza Cyusa Lanny.

Abakina hagati ni Karibu Gustave, Gisubizo Patrick, Micomyiza Nobert, Ntwali Sharif, Dushime Jean Claude na Musabyimana Joseph.

Ba rutahizamu hagiye Kwihangana Elyse, Mugunga Daniel, Uwizeye Remy Bienfaiteur, Iradukunda Patrick, Nshimiyimana Olivier, Bizimana Umugiraneza Didier, Bagabo Enzo na Jayden Shema Heylen.

Kanamugire Fidele ushinzwe iterambere ry’umupira w’amaguru ni we uyoboye itsinda ry’Amavubi muri Ethiopia
Abakinnyi bazahagararira u Rwanda bashyikirijwe ibendera basabwa kwitwara neza
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27