Eddy Kenzo agiye kujyana mu nkiko Promoter Nobart

Eddy Kenzo agiye kujyana mu nkiko Promoter Nobart

Umuhanzi Edirisa Musuuza, uzwi cyane nka Eddy Kenzo, yiyemeje ko agiye kujyana mu nkiko umwe mu bategura ibitaramo muri Uganda Nobart Twizire uzwi nka Promoter Nobert kubera ku mushinja ibinyoma.

Ni ibyo Eddy Kenzo yagarutseho nyuma y’uko mu mpera z’icyumweru gishize, Promoter Nobart yagaragaye avuga ko uretse gushaka kumwica yanagize uruhare mu rupfu rw’umuhanzi Danz Kumapeesa.

Yabigarutseho mu kiganiro n’itangazamakuru cyabaye kuri iki cyumweru tariki 02 Ugushyingo 2025, agasobanura ko ibyo byose ari ibihuha.

Yagize ati: “Ngomba gutanga ikirego akazabisobanura neza, agatanga ibimenyetso mu rukiko. Ni byiza ko yabivuze ku mugaragaro, nsanzwe nirengagiza ibintu ariko ibirimo ubuzima bw’abantu sinabireka gutyo gusa, ngomba gutanga ikirego akazabisobanura neza.

Eddy Kenzo wakunzwe mu ndirimbo ze zirimo ‘Sitya Loss’ agaragaza ko ibyo Promoter Nobert yamuvuze bikura umutima abantu kandi bikangiza isura ye ku buryo byanamwangiriza akazi ke.

Ibyavuzwe na Nobart byateje impagarara ku mbuga nkoranyambaga, aho abakunzi b’umuziki bacitsemo ibice, bamwe bavuganira Eddy Kenzo abandi bashyigikiye ibyo uyu mugabo yavuze.

Uretse kuba umuhanzi Eddy Kenzo ni umuyobozi w’ishyirahamwe ry’abahanzi muri Uganda (UNMF) akaba ari n’umujyanama wa Perezida Museveni mu bijyanye n’ubuhanzi.

Eddy Kenzo agiye kujyana Promoter Nobart mu nkiko
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27