Yiyemeje kuva ku rubyiniro yerekeza mu Nteko Ishinga Amategeko

Yiyemeje kuva ku rubyiniro yerekeza mu Nteko Ishinga Amategeko

Umuhanzi w’Umunya-Uganda Phina Mugerwa, uzwi nka Phina Masanyalaze, yatanze impapuro zimwemerera kwiyamamaza ku mwanya w’Umudepite uhagarariye abagore mu Nteko Ishinga Amategeko ya Uganda mu matora azaba mu 2026 yiyemeza gusiga urubyiniro.

Ibinyamakuru bitandukanye byo muri Uganda byatangaje ko uyu muhanzikazi yatanze impapuro zimwemerera kwiyamamariza uri uwo mwanya tariki 23 Ukwakira 2025.

Nyuma yo gutanga kandidatire ye, Phina yavuze ko agiye kuba ijwi ry’abatagira kivugira, cyane cyane abagore bajya gushaka akazi mu Burengerazuba bw’Abarabu bagahurirayo n’ibibazo bitandukanye.

Yagize ati: “Abakozi bo mu rwego rutazwi barababaye. Itegeko ry’Umurimo rirengera abakozi bo mu rwego ruzwi gusa, barimo abagore bajya gushaka imikorere mu Burengerazuba bw’Abarabu. Nyamara na bo batangiye kugira uruhare rukomeye mu musaruro mbumbe w’igihugu no mu iterambere ryacyo. Tugomba kunganya urubuga.”

Phina ahanganiye umwanya wo guhagararira abagore mu Nteko Ishinga Amategeko ya Uganda   n’abarimo Agnes Kunihira w’ishyaka riri ku butegetsi NRM, usanzwe afite uwo mwanya mu gihe Phina we yiyamamaza nk’umukandida wigenga.

Phina azwi cyane kubera indirimbo Bampasudde na Gyobera, kandi akaba ari umuyobozi ushinzwe umuco muri Federasiyo y’abahanzi muri Uganda.

Komisiyo y’Amatora yatangaje ko igikorwa cyo kwakira kandidatire z’Abadepite kirangira kuri uyu wa Gatandatu tariki 25 Ukwakira 2025.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27