U Rwanda ruzakira ibirori byo guhemba abakinnyi b’amagare bahize abandi muri Afurika

U Rwanda ruzakira ibirori byo guhemba abakinnyi b’amagare bahize abandi muri Afurika

U Rwanda rwahawe kwakira ibirori bizahemberwamo abakinnyi b’indashyikirwa bahize abandi mu gusiganwa ku magare ku Mugabane wa Afurika. 

Ibi bihembo bigiye gutangwa ku nshuro ya mbere, n’Impuzamashyirahamwe y’Umukino w’Amagare muri Afurika (CAC) izahemba bizabera i Kigali mu Rwanda tariki ya 28 n’iya 29 Ugushyingo 2025.

Bazahemba abagabo n’abagore, haba mu babigize umwuga n’abatarabigize umwuga.

Abategura iki gikorwa bahisemo ko u Rwanda ruzongera kucyakira mu 2026, mbere y’uko gitangira kwakirwa n’ibindi bihugu.

Mu bazahembwa harimo umukinnyi wahize abandi mu byiciro byose by’abagabo, umukinnyi mwiza mu bagore [Best Woman Elite], umukinnyi mwiza w’umugabo utarabigize umwuga n’Ikipe y’Igihugu nziza muri Afurika.

Ku gihugu cyakiriye, hazahembwa Umunyarwanda witwaye neza mu bagabo no mu bagore mu gihe kandi hazahembwa umukinnyi mwiza muri Afurika y’Iburasirazuba mu bagabo n’abagore.

Ubusanzwe ibihembo by’abakinnyi bahize abandi muri Afurika byatangwaga n’irushanwa rya La Tropicale Amissa Bongo, ndetse igihembo nk’iki cyatwawe n’Umunyarwanda Areruya Joseph mu 2018.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27