Hatangajwe igihe Tour du Rwanda 2026 izabera

Hatangajwe igihe Tour du Rwanda 2026 izabera

Ishyirahamwe ry’Umukino w’Amagare mu Rwanda (FERWACY), ryatangaje ko Isiganwa mpuzamahanga ry’umukino wo gusiganwa ku magare rizenguruka Igihugu “Tour du Rwanda 2026” rizatangira tariki 22 Gashyantare kugeza ku ya 1 Werurwe 2026.

Kuri uyu wa Gatatu tariki 15 Ukwakira 2025, ni bwo Ishyirahamwe FERWACY ryatangaje ko UCI yemeje ko Tour du Rwanda ya 2026 izaba guhera mu mpera za Gashyantare.

Iri rushanwa rizenguruka u Rwanda rigiye kuba ku nshuro ya 18 kuva ribaye mpuzamahanga.

Muri uyu mwaka, iryo siganwa ryegukanywe na Umufaransa Fabien Doubey ukinira TotalEnergies yo mu Bufaransa.

Ni ku nshuro ya munani Tour du Rwanda igiye kuba iri ku rwego rwa 2,1; inshuro ndwi ziheruka zegukanywemo inshuro enye n’Abanyeritereya Merhawi Kudus (mu 2019), Natnael Tesfazion (mu 2020 na 2022) na Henok Mulubrhan 2023, n’Umunyesipanye Cristian Rodriguez wayitwaye muri 2021 n’Umwongereza Joseph Black mu 2024.

Kuva iri siganwa ryazamurwa kuri 2.1, Mugisha Moïse ni we watwaye agace muri iri siganwa, mu gihe nta Munyarwanda urabasha kuryegukana.

Gahunda y’amakipe azitabira ndetse n’inzira zizakoreshwa muri Tour du Rwanda 2026, izatangazwa mu kwezi k’Ugushyingo 2025.

Umufaransa Fabien Doubey niwe wegukanye Tour du Rwanda 2025
Tour du Rwanda 2026 yashyizwe tariki 22 Gashyantare kugeza ku ya 1 Werurwe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27