Amerika yambuye visa batandatu bashinjwa gushinyagurira uwapfuye

Amerika yambuye visa batandatu bashinjwa gushinyagurira uwapfuye

Leta Zunze Ubumwe za Amerika zambuye visa abanyamahanga batandatu bashinjwa amagambo batangaje ku mbuga nkoranyambaga y’ubushinyaguzi yifuriza gukongoka Charlie Kirk, wari inshuti y’akadasohoka ya Perezida Donald Trump wishwe arashwe muri Nzeri 2025.

Ibiro bishinzwe Ububanyi n’Amahanga bya Amerika byashize hanze itangazo rivuga ko nta nshingano bifite zo kwakira abanyamahanga bifuriza Abanyamerika urupfu.

Iryo tangazo ryakurikiwe n’urutonde rw’amagambo yashyizwe ku mbuga nkoranyambaga z’abo bantu batandatu rugaragaza ko bakomoka muri Afurika y’Epfo, Mexique, Brezille, Paragwe na Argentine.

Ibyo biro byavuze ko mu magambo yatangajwe nabo bambuwe visa bashinje Kirk gukwirakwiza amagambo y’ivangura n’urwango ku banyamahanga, irondaruhu bamubwira ko agomba gushya agakongoka.

Kirk wapfuye ku myaka 31, yishwe arashwe kandi urupfu rwe rwateje impagarara mu Banyamerika, rushengura cyane Donald Trump ndetse ategeka ko ibendera ry’Igihugu ryururutswa mu rwego rwo kumwunamira.

New York Times yatangaje ko iperereza ryakozwe nyuma y’urupfu rwe ryatumye abarenga 145 bavanwa mu mirimo kubera amagambo banditse ku mbuga nkoranyambaga mu gihe Umunyamabanga wa Leta, Marco Rubio yari yaraburiye ko hari abanyamahanga bazamburwa visa kubera Kirk.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27