Cameroon: Issa Tchiroma yatunguranye avuga ko yatsinze amatora ya Perezida

Cameroon: Issa Tchiroma yatunguranye avuga ko yatsinze amatora ya Perezida

Issa Tchiroma Bakary wigeze kuba Umuvugizi wa Guverinoma ya Cameroon, akaba arwanya ubutegetsi bwa Paul Biya baherutse no guhangana mu matora y’Umukuru w’Igihugu yabaye mu mpera z’icyumweru gishize, yatangaje ko ari we watsinze amatora.

Mu butumwa bw’amashusho Issa Tchiroma yashize ku mbuga nkoranyambaga mu gitondo cyo kuri uyu wa Kabiri yasabye Paul Biya kwemera gutsindwa, nubwo ibizava mu matora biteganyijwe ko bizatangazwa n’Urukiko rushinzwe kurinda Itegeko Nshinga ku wa 25 Ukwakira uyu mwaka.

Tchiroma yavuze ko ibyo yatangaje bigomba kubahwa asaba Perezida Biya kubaha ukuri kw’amatora no kwemera gutsindwa ndetse amwifuriza amahirwe masa mu yindi mirimo.

Yavuze ko abikoze atyo byaba ari ikimenyetso kigaragaza umwihariko wa politiki ya Cameroon n’imbaraga za demokarasi.

Yongeyeho ko ibyavuye mu matora ari isomo ku buyobozi bwa Biya kandi ari intangiriro y’ikiragano gishya.

Issa Tchiroma wahoze ari inshuti ya Paul Biya, kwiyamamaza kwe kwitabiriwe n’imbaga y’abantu ndetse n’abandi benshi batavuga rumwe n’ubutegetsi nubwo nta mahiwe ahabwa yo guhigika Biya bitewe n’ububasha afite.

Minisitiri w’Ubutegetsi bw’Igihugu, Paul Atanga Nji, aherutse kuvuga ko nta muntu ku giti cye wemerewe gutangaza ibyavuye mu matora kandi ko uzabirengaho azaba akoze icyaha gikomeye cyo kugambanira igihugu.

Issa Tchiroma (iburyo) yatangaje ko yatsize Paul Biya mu matora y’Umukuru w’Igihugu
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27