Lynda witabiriye Miss Rwanda 2022 yambitswe impeta y’urukundo

Lynda witabiriye Miss Rwanda 2022 yambitswe impeta y’urukundo

Nkusi Lynda witabiriye irushanwa rya Miss Rwanda 2022 akanamenyekana cyane mu myidagaduro y’u Rwanda nka Lynda Priya yambitswe impeta y’urukundo n’umukunzi we aherutse kugaragariza inshuti ze.

Abinyujije ku mbuga nkoranyambaga ze uwo mukobwa wamenyekanye cyane muri Filime nyarwanda zitandukanye yagaragarije abamukurikira ko anyuzwe n’intambwe yatewe mu mubano we n’umukunzi we.

Yanditse ati: “Nifuza ko umunsi umwe wazaba njye maze ukamenya urwo ngukunda, nkwitaho kandi nanagukumbura. Urukundo ngukunda sinabasha kurusobanura kuko ngutekereza buri munsi nyuma y’uriya munsi nakuboneyeho bwa mbere muri Werurwe.”

Lynda Priya yakomeje agaragaza ko uwo munsi bahuriyeho bwa mbere ari wo wabaye intandaro y’urukundo yakunze uwo musore rwagiye rushora imizi uko iminsi yagiye ishira ndetse ko adateze guhagarika kumukunda.

Nubwo Lynda amafoto n’amashusho agaragaza ibyo biriro yambikiwemo impeta yagaragaje kuri uyu wa 11 Ukwakira 2025, amakuru avuga ko yayambitswe ku mugoroba wo ku wa Gatanu tariki 10 Ukwakira 2025, mu birori byabereye mu Karere ka Rwamagana.

Bivugwa ko aba bombi bamenyanye mu 2023, nyuma y’uko Lynda yari amaze gutandukana n’umunyarwenya uzwi nka Zaba Missed Call bari bamaze igihe bakundana ndetse bakinanaga Filime banyuzaga ku muyoboro wa YouTube.

Amakuru avuga ko Lyna na Irenge Christian bemeranyije kubana nyuma y’umwaka umwe n’igice bamaze bakundana kandi bakaba bateganya gukora ubukwe mu mwaka wa 2026.

Ubusanzwe Lynda Priya yitwa Nkusi Lynda akaba yaritabiriye amarushanwa ya Miss Rwanda 2021 na 2022 gusa yavuzwe cyane nyuma yo kwikura mu irushanwa ririmbanyije.

Lynda Priya yambitswe impeta y’urukundo n’umusore bitegura kurushinga
Lynda na Irene wamwambitse impeta bamaze umwaka n’igice bakundana
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27