Umutoza w’Amavubi yagaragaje ko umusaruro mubi uterwa no kudategura abakinnyi bato

Umutoza w’Amavubi yagaragaje ko umusaruro mubi uterwa no kudategura abakinnyi bato

Umutoza w’Ikipe y’Igihugu y’u Rwanda, Adel Amrouche, yasabye abategura umupira w’amaguru mu Rwanda kwibanda ku bakiri bato hagamijwe kubaka Ikipe y’ikipe y’igihugu ikomeye.

Ibi ni bimwe mu byo yatangaje mu ijoro ryo ku wa Gatanu, tariki ya 10 Ukwakira 2025, nyuma y’uko Amavubi atsinzwe na Bénin igitego 1-0, bituma asezererwa mu gushaka itike y’Igikombe cy’Isi kizaba mu 2026.

Adel yabanje kuvuga ko ntacyo gusobanura gihari nyuma yo gutakaza umukino imbere y’Abanyarwanda bari muri Stade Amahoro barimo na Perezida Paul Kagame.

Ati: “Ntabwo byoroshye kuba wabona icyo usobanura, nako muri make nta bisobanuro mfite. Twahatanye, twakinnye, twarateguye ariko umusaruro ni uyu. Ntawe nabyegekaho ahubwo amahirwe ntabwo yari ayacu uyu munsi.”

Yakomeje avuga ko kubura intsinzi ahanini bishingiye ku buryo bwo kubaka umupira w’amaguru mu Rwanda.

Ati: “Niba ushaka gukina amarushanwa akomeye nk’aya, ukeneye gutegura ibintu byawe uhereye hasi. Ntabwo kubigeraho ari uguhindura umutoza, guhindura perezida, guhindura umuyobozi n’ibindi mbese ukifuza gukora ibisa n’ubufindo. Nta bato ntibishoboka.”

Urasabwa gukora, ugakora abakinnyi benshi, ukagira shampiyona nziza, ukagira amarushanwa y’abato. Ntimugatekereze Igikombe cy’Isi nta hantu mwahereye hahari. Njye nasabye abayobozi ba tekinike kunshakira umukinnyi w’imyaka 17 wakina mu Ikipe y’igihugu baramubura.”

Amavubi azasoza iyi mikino yo gushaka itike y’Igikombe cy’Isi kizabera muri Leta Zunze Ubumwe za Amerika, Mexique na Canada, yakirwa na Bafana Bafana ya Afurika y’Epfo ku wa Kabiri, tariki ya 14 Ukwakira 2025.

Inzozi z’Amavubi zo kujya mu Gikombe cy’Isi zarangiriye i Kigali
Adel Amrouche yagaragaje ko umusaruro mubi w’Amavubi uterwa no kutagira abakinnyi bato mu byiciro bitandukanye
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27