Byinshi ku ndirimbo ‘Abashyitsi bahire’ yaririmbwe n’umukirigitananga Ruhumuriza

Byinshi ku ndirimbo ‘Abashyitsi bahire’ yaririmbwe n’umukirigitananga Ruhumuriza

Umukirigitananga Ruhumuriza yavuye imuzi impamvu yamuteye gukora indirimbo ‘Abashyitsi bahire’ izwi cyane ibyinwa n’amatorero ikaba yarabaye ikimenyabose, ariko akaba ari we wa mbere uyiririmbye nk’umuhanzi ikajya mu byuma.

Mu kiganiro yagiranye na Imvaho Nshya, Ruhumuriza yasobanuye ko amaze imyaka yumva abaririmba iyi ndirimbo mu matorero atandukanye ariko akumva ababajwe no kuba itarakorwa ngo ibe indirimbo yumva mu buryo bugezweho hanasigasirwa amateka yayo.

Yagize ati: “Maze imyaka myinshi ndirimba kandi mbyina mu matorero atandukanye harimo n’urukerereza bayiririmbye kenshi nkumva inaririmbwa henshi ariko isa nkaho idahari.”

Icyatumye ngira ubushake bwo kuyikora, ni uko yari indirimbo nziza yatuwe umugabekazi, noneho ibigwi n’uburyo bamurataga byari byiza cyane  ku buryo wumva no muri iyi minsi bigikenewe, noneho ndebye nsanga  isigasira umuco ariko umuntu adashobora kuyikenera atarebye itorero ngo ayibone nayikoze mu rwego rwo gusigasira amateka yayo.”

Amakuru y’amateka agaragaza ko indirimbo ‘Abashyitsi bahire’ yaririmbiwe Umugabekazi Nyirakigeli wa III Nyamihana, wari umugabekazi ku ngoma ya Kigeli wa III Ndabarasa ari na we Mwamikazi we.

Abashyitsi bahire ni indirimbo yaririmbiwe uwo mwamikazi ubwo yari atashye (Ashyingiwe) mu rugo rw’Umwami Kigeli wa III Ndabarasa ayiririmbirwa na Rubanda (Abaturage) bamwakira bamurata.

Umukirigitananga Ruhumuriza, ubusanzwe amazina ye bwite ni Nshimiyimana Jean Bosco abenshi bakaba bamuzi nka Bosco Intore cyangwa Sebo avuga ko yahisemo gukoresha izina rya ‘Ruhumuriza’ mu buhanzi kuko ari izina rya se wari umutaramyi mu rwego rwo gusigasira uwo muco yamusigiye.

Ruhumuriza asanzwe ari umubyinnyi mu itorero ry’igihugu Urukerereza akaba afite n’itsinda rye riririmba ‘Ikobe’ risanzwe risusurutsa abantu mu birori bitandukanye.

Ruhumuriza avuga ko yahisemo gukora ‘Abashyitsi bahire’ asigasira amateka yayo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27