Umuhanzi Kid Dee yagaragaje umunyarwandakazi wamutwaye umutima

Umuhanzi Kid Dee yagaragaje umunyarwandakazi wamutwaye umutima

Umuhanzi uba muri Uganda Denish Duncan Matovu, uzwi cyane nka Kid Dee, yagaragaje ko ari mu munyenga w’urukundo n’Umunyarwandakazi avuga ko yamutwaye umutima.

Mu gihe akomeje kubica bigacika mu muziki wa Uganda, Kid Dee yatangaje koubu aguwe neza kandi ubuzima bwe bwuzuyemo umunezero bitewe n’urukundo arimo gukundwa na Sheena Bella ukomoka mu Rwanda.

Ubwo yari mu kiganiro kuri Bukedde TV, Kid Dee yavuze ko atari urukundo rwo kwigaragaza nk’uko bisanzwe muri Showbiz ahubwo ari urukundo rw’umwimerere

Kid Dee avuga ko nta mukobwa abona wahiga Sheena mu bwiza arinayo mpamvu avuga ko ahora amushishikariza kuzitabira irushanwa rya Miss Uganda.

Yagize ati: “Ntekereza ko ari we mukobwa mwiza kurusha abandi ubu. Ibyo mbihamiriza buri wese duhuye. Maze iminsi mushishikariza kuzitabira irushanwa rya Miss Uganda ritaha, ndishimye ndimo kuzamuka neza mu muziki wanjye, kandi ndi mu rukundo rufite umusingi rushingiye ku kuri.”

Kid Dee yagaragaje ko urukundo rwabo rwatangiye buhoro buhoro kuko bamaze imyaka ibiri bakundana nyuma y’uko bamenyaniye mu Rwanda bagatangira ar’inshuti zisanzwe icyakora bakaza kwemeranya gukundana.

Uyu muhanzi avuga ko nta bwoba atewe no kuba yamubura kuko ngo atigeze amwishushanyaho ahubwo yamwiyeretse uko ari umukobwa nawe akamukunda ntacyo amukurikiyeho ndetse nawe akamwiyereka wese, ko ndetse kuba yajya kwerekanwa mu muryango w’umukobwa biteganywa vuba aha.

Kid Dee azwi mu ndirimbo zitandukanye zirimo Binegende, Omugaso gwange, Genda olyeza, Abakazi bikajo, Empitambi n’izindi nyinshi.

Kid Dee avuga ko ari mu rukundo ruryoshye na Bella Shena w’Umunyarwandakazi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27