Urukiko rwasubitse urubanza rwa Murekezi woherejwe na Malawi  

Urukiko rwasubitse urubanza rwa Murekezi woherejwe na Malawi  

Urugereko rw’urukiko rukuru rukorera i Nyanza mu Ntara y’Amajyepfo rwasubitse urubanza rwa Murekezi Vincent woherejwe na Malawi mu 2019.

Murekezi aregwa ibyaha bya Jenoside yakorewe Abatutsi mu Karere ka Huye mu Ntara y’Amajyepfo.

Murekezi Vincent yajuririye igihano cy’igifungo cya burundu yakatiwe n’urukiko rwisumbuye rwa Huye nyuma yo kumuhamya ibyaha bya Jenoside, ibyaha aburana ahakana.

Mu rukiko kuri uyu wa Kabiri, tariki 09 Nzeri 2025, Murekezi yavuze ko kuva mu kwezi kwa Gicurasi atarongera kuvugana n’umuryango we kandi ko bimuteye imbogamizi yo kutabona amafaranga by’umwihariko ayo kwishyura abazamwunganira mu rubanza.

Avuga kandi ko kutabasha kuvugana n’umuryango we bituma atabona amafaranga yo kwivuza ‘diabete’ na ‘prostate’, indwara avuga ko arwaye.

Murekezi wari umucuruzi muri Malawi yoherejwe mu Rwanda n’icyo gihugu mu 2019 ngo akurikiranwe ku byaha ashinjwa.

Murekezi avugwa mu bwicanyi bwibasiye Abatutsi muri Butare, aho yakoranaga hafi na hafi na Major Cyriaque Habyarabatuma, Dr. Sosthene Munyemana na Dr. Eugene Rwamucyo.

Ashinjwa gushuka Abatutsi ko azabakiza, akabajyana iwe, akabaka amafaranga ubundi akabagabiza Interahamwe.

Urukiko Gacaca rwakatiye Vincent Murekezi igihano cy’igifungo cy’imyaka 19 adahari.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27