Umunyabigwi wa Arsenal Sagna, yahishuye ko afana Meddy

Umunyabigwi wa Arsenal Sagna, yahishuye ko afana Meddy

Umunyabigwi mu mupira w’amaguru mu ikipe ya Arsenal Bacary Sagna, yahishuye ko asanzwe yumva indirimbo nyarwanda by’umwihariko akunda ibihangano bya Meddy.

Uwo munyabigwi wari mu Rwanda yitabiriye umuhango wo Kwita Izina abana b’ingagi wabaye ku wa Gatanu tariki 05 Nzeri 2025, umuhango wishimiwe cyane n’abanyacyubahiro n’ibyamamare byawitabiriye.

Mu kiganiro n’itangazamakuru Bacary Sagna, yavuze ko asanzwe ari Umunyafurika ariko yakiriwe neza ubwo yari ageze mu Rwanda.

Yagize ati: “Nsanzwe mvuka muri Afurika, ariko uburyo abantu banyakiriye hano mu Rwanda buratangaje, byatumye niyumvamo ikaze ridasanzwe.”

Sagna, akomeza avuga ko uretse kwishimira uko yakiriwe mu Rwanda asanzwe yumva indirimbo nyarwanda kandi akunda indirimbo za Meddy.

Ati: “Nsanzwe numva umuziki nyarwanda ku mbuga zitandukanye zicururizwaho umuziki, nkunda indirimbo za Meddy cyane cyane iyitwa Burinde bucya, nkunda kuyicuranga ndi mu modoka nkashyiramo uburyo irangira yongera itangira, yumvikanisha amarangamutima.”

Yongeraho ati: “Uretse iyo hari n’izindi ndirimbo ze numva zirimo Lose Control, Downtown, Closer, and Ntacyo Nzaba n’izindi ndazikunda kandi ndazumva cyane.”

Uyu munyabigwi mu mupira w’amaguru wamenyekanye cyane mu ikipe ya Arsenal afite ubwenegihugu bwo mu Bufaransa ariko akaba avuka muri Senegal nk’uko yabitangaje.

Sagna yari yaje mu Rwanda yitabiriye umuhango wo Kwita Izina abana b’ingagi 40, aho uwo yise yamwise ‘Amahumbezi’ mu rwego rwo gukomeza kubungabunga ibidukikije.

Sagna Bacary yahishuye ko iyo ari mu modoka acuranga indirimbo za Meddy
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27