Musanze: Batanu bakekwaho guhungabanya umutekano batawe muri yombi

Musanze: Batanu bakekwaho guhungabanya umutekano batawe muri yombi

Abantu batanu bakekwaho ibyaha bihungabanya umutekano w’abaturage bafashwe na Polisi Ikorer mu Ntara y’Amajyaruguru mu mukwabo wakozwe kuri uyu wa Kane tariki ya 28 Kanama 2025.

Uwo mukwabu wabereye mu Murenge wa Gataraga, Akarere ka Musanze, aho bakekwaho ibikorwa by’ubujura no guteza abaturage akaga harimo o kubambura (kaci), cyane cyane mu nkengero z’Umujyi wa Musanze.

Bamwe mu baturage bakoresha umuhanda Musanze–Kigali berekeza muri santere y’ubucuruzi ya Gataraga bavuze ko bahoraga bahangayikishijwe n’insoresore zihisha mu mashyamba hafi aho, zikambura abaturage utwabo harimo telefoni, ibikapu ndetse zikagirira nabi abagore.

Uwahawe izina rya Mahirwe Liliane, umwe mu baturage, yagize ati: “Hari insoresore zitegera abantu mu nzira zikabambura, bamwe bakabakomeretsa. Mu mujyi wa Musanze bashakishijwe n’abashinzwe umutekano, bahitamo kuza mu byaro aho batangiye gutobora inzu, kwiba amatungo ndetse no gukomeretsa abaturage. Igikorwa Polisi yakoze ni ingirakamaro cyane kuko cyaduhumurije. Natwe icyo twakoze ni ugutanga amakuru, kandi twizeye ko n’abandi basigaye bazafatwa.”

Habimana Eulade (izina yahawe) we avuga ko bamutegeye mu nzira bamwambuye telefone.
Yagize ati: “Hari abasore twabonaga muri iyi minsi ku masura mashya ubwo rero ni bwo twatangiye guhura n’ibibazo batwambura, badukubita, nkanjye banyambuye telefone 2 hari smart phone n’indi nakoreshaga nshuruza amayinite na mobayilo mani, narahebye ariko ubwo batangiye kubafata tugiye kujya tugenda mu mutuzo,t wavaga mu mayira saa kumi n’ebyiri.”

Umuvugizi wa Polisi y’u Rwanda mu Ntara y’Amajyaruguru, IP Ignace Ngirabakunzi, yavuze ko Polisi itazigera iha agahenge abakora ibyaha bihungabanya abaturage.

Yagize ati: “Umuntu wese uhungabanya umutekano w’abandi aba anyuranyije n’amategeko, ni yo mpamvu agomba gufatwa akabibazwa. Abo bafashwe uko ari batanu bafatiwe ku bufatanye n’abaturage batanze amakuru, ubu bagiye gushyikirizwa inzego z’ubutabera kugira ngo amategeko akurikizwe.”

Kuri ubu, aba bakekwaho ibyaha bashyikirijwe Polisi y’u Rwanda ikorera mu Ntara y’Amajyaruguru, Sitasiyo ya Kinigi, aho bagiye gukorerwa dosiye kugira ngo abo bizagaragara ko bahamwa n’ibyaha bahanwe nk’uko amategeko abiteganya.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27