Rayon Sports WFC yisanze mu itsinda B mu gushaka itike ya CAF Women Champions League

Rayon Sports WFC yisanze mu itsinda B mu gushaka itike ya CAF Women Champions League

Tombola yo gushaka itike y’imikino ya nyuma y’Igikombe cy’Amakipe yitwaye neza iwayo muri Afurika mu bari n’abategarugori ‘’CAF Women’s Champions League’’yasize Rayon Sports yisanze mu Itsinda rya kabiri hamwe na Commercial Bank of Ethiopia yo muri Ethiopia na Top Girls Academy FC yo mu Burundi.

Kuri uyu wa Kabiri, tariki ya 26 Kanama 2025, ni bwo gahunda y’uburyo amatsinda agabanyije ku makipe yo mu Karere yatangajwe muri Tombola yabereye i Nairobi muri Kenya.

Itsinda rya mbere (A) ririmo Kenya Police Bullets FC yo muri Kenya, Denden FC yo muri Eritrea na Kampla Queens yo muri Uganda.

Itsinda rya kabiri (B) ririmo Commercial Bank of Ethiopia yo muri Ethiopia, Top Girls Academy FC yo mu Burundi na Rayon Sports yo mu Rwanda. 

Ni mu gihe itsinda rya gatatu  (C) harimo JKT Queens yo muri Tanzania, Yei Joint Stars FC yo muri Sudani y’Epfo na JKU Princess FC yo muri Zanzibar.

Ikipe izasoza iri ku mwanya wa mbere (Zonal Winners) ni yo izitabira Imikino ya Champions League nyirizina (CAF Women’s Champions League).

Umwaka ushize iri rushanwa ryegukanywe na Commercial Bank of Ethiopia itsinze Kenya Police Bullets 1-0 ku mukino wa nyuma, mu gihe Rayon Sports WFC yari yatashye nta nota na rimwe.

Iri rushanwa rizakinirwa i Nairobi muri Kenya kuva tariki ya 4 kugeza 16 Nzeri 2025 ku bibuga birimo Nyayo Stadium na Ulinzi Complex.

Commercial Bank of Ethiopia ni yo yegukanye iri rushanwa mu 2024
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27