Abanyamakuru bane baguye mu bitero bya Isiraheli byagabwe ku bitaro bya Gaza

Abanyamakuru bane baguye mu bitero bya Isiraheli byagabwe ku bitaro bya Gaza

Kuri uyu wa Mbere abantu 15 barimo abanyamakuru bane bakoreraga Ibitangazamakuru Mpuzamahanga, baguye mu bitero bya Isiraheli byagabwe ku bitaro bya Nasser biri mu Majyepfo ya Gaza.

Ibiro Ntaramakuru by’Abongereza, Reuters byemeje ko Husam al-Masri wabafatiraga amashusho ari mu bishwe, Mohammed Salameh wakoreraga Al Jazeera, Mariam Abu Daqa wakoreraga Associated Press, ndetse na Muath Abu Taha wa NBC News.

Ingabo za Isiraheli ndetse n’Ibiro bya Minisitiri w’Intebe ntacyo biratangaza kuri ibyo bitero ariko amashusho yagaragaje umwotsi ucumba hejuru y’ibitaro bya Nasser.

Komite ishinzwe kurengera abanyamakuru, (CPJ) yatangaje ko abanyamakuru 192 bamaze kwicirwa muri Gaza kuva intambara yatangira.

Isiraheli ikunze kugaba ibitero ku bitaro ndetse no muri  Kamena 2025, ibyo bitaro byagabweho igitero cyahitanye batatu, abandi 10 barakomereka, nk’uko byatangajwe na Minisiteri y’Ubuzima. Icyo gihe ingabo za Isiraheli zavuze ko zari zigamije kwica abarwanyi ba Hamas bakekwaho kuhakorera mu rwego rwo gutegura ibikorwa by’intambara muri ibyo bitaro.

Abanyamakuru 192 bamaze kugwa mu bitero bya Isiraheli muri Gaza
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27