Abanyamahanga 240 baketsweho ibyaha bashyikirijwe ubutabera abandi basubizwa mu bihugu baturukamo

Abanyamahanga 240 baketsweho ibyaha bashyikirijwe ubutabera abandi basubizwa mu bihugu baturukamo

Mu bihe bitandukanye mu itangazamakuru ryo mu Rwanda hagiye humvikana ikibazo cy’urugomo rukorwa n’urubyiruko rw’abanyamahanga baba mu Rwanda, aho banga kwishyura serivisi bahawe ahubwo bagahitamo kurwana. Polisi yavuze ko abarenga 240 bagejejwe mu butabera abandi basubizwa iwabo.

Polisi y’u Rwanda ibinyujije ku rubuga rwayo rwa X, yatangaje ko abanyamahanga bagaragaye mu bikorwa byo gukubita no gukomeretsa, bakurikiranywe n’ubutabera abandi basubizwa mu bihugu bakomokamo.

Yavuze ko iki kibazo inzego zirimo Ubugenzacyaha, Ubushinjacyaha n’Urwego rushinzwe abinjira n’abasohoka zimaze iminsi zigikurikirana kandi ngo cyafatiwe ingamba.

Polisi yagize iti: “Mu mezi 12 ashize, abacyekwa 240 bashyikirijwe inzego z’ubutabera bacyekwaho ibyaha bitandukanye birimo gukubita no gukomeretsa ndetse n‘ubujura, naho 64 basubijwe mu bihugu baturukamo.”

Polisi y’u Rwanda yasobanuye ko nta muntu n’umwe uri hejuru y’amategeko mu Rwanda kandi abakora urugomo kimwe n’ibindi byaha barakurikiranwa ntavangura.

Ku rundi ruhande, Polisi ngo izakomeza gukorana n’abayobozi bo muri Ambasade zihagarariye ibihugu byabo mu Rwanda, hagamijwe gukangurira abanyamahanga bari mu Rwanda kubahiriza amategeko y’igihugu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27