Juba: Bashimye abasirikare n’abapolisi u Rwanda rwohereje muri UNMISS

Juba: Bashimye abasirikare n’abapolisi u Rwanda rwohereje muri UNMISS

Mu mpera z’icyumweru gishize, abasirikare n’abapolisi u Rwanda rwohereje mu Butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS) bifatanyije n’Abanyarwanda babarizwa muri icyo Gihugu bakora Umuganda ku Ishuri Ribanza rya Kapuri riherereye mu Murwa Mukuru wa Juba.

Ubuyobozi n’abaturage b’i Juba bashimiye intumwa u Rwanda rwohereje muri UNMISS ndetse n’Umuryango w’Abanyarwanda baba muri Sudani y’Epfo kubw’icyo gikorwa cyo kubashyigikira no kwimakaza uburezi muri rusange, babasaba gukomerezaho banatoza abo basanze ibikorwa nk’ibyo.

Ibyo bikorwa byateguwe mu rwego rwo kwizihiza Umunsi Mpuzamahanga wahariwe Umwana w’Umunyafurika muri Sudani y’Epfo na wo wizihijwe mu cyumweru gishize.

Muri uwo muganda hakozwe ibikorwa bitandukanye birimo isuku n’isukura, gutera ibiti no guha abana biga kuri iryo shuri ibikoresho by’ishuri.

Ku ya 16 Kamena 2022, na bwo abasirikare n’abapolisi b’u Rwanda muri UNMISS banahaye serivisi z’ubuvuzi z’ubuntu abanyeshuri bo ku Ishuri ry’Inshuke n’Iribanza rya Green Sudd riherereye mu Mujyi wa Juba.

Umuyobozi ukuriye abari mu butumwa bwa UNMISS baturutse mu Rwanda Col Frederic Itangayenda, yavuze ko ibyo bikorwa byose byari bigamije gushyigikira iterambere ry’amashuri ndetse no gukomeza gushishikariza abanyeshuri bataye ishuri kugaruka bagakomeza amasomo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27