Pogačar uheruka kwegukana Tour de France ahanze amaso Shampiyona y’Isi i Kigali

Pogačar uheruka kwegukana Tour de France ahanze amaso Shampiyona y’Isi i Kigali

Umunya-Slovenia Tadej Pogačar usazwe ari nimero ya mbere mu mukino wo gusiganwa ku magare, yatangaje ko atazitabira Vuelta a Espana kugira ngo abashe kwitegura neza Shampiyona y’Isi izabera mu Rwanda muri Nzeri 2025.

Mu Cyumweru gishize, ni bwo Pogačar yegukanye Tour de France ku nshuro ya kabiri yikurikiranya, iba iya kane muri rusange.

Uyu mukinnyi w’imyaka 26 ni we wegukanye Shampiyona y’Isi ya 2024 mu gusiganwa mu muhanda, yabereye i Zürich mu Busuwisi.

Uyu mukinnyi yatangaje ko atazitabira iri siganwa ryo muri Espagne kugira ngo aruhuke neza, bityo bizamufashe kwitegura Shampiyona y’Isi.

Ati: “Ndifuza kuzagaruka meze neza by’umwihariko muri Shampiyona y’Isi.”

Vuelta a Espana ni ryo siganwa rukumbi muri atatu akomeye ku Isi Pogačar ataregukana, icyakora yabaye uwa gatatu mu 2019 ari nayo nshuro yaryitabiriye gusa.

Ni ku nshuro ya mbere Shampiyona y’Isi igiye kubera ku Mugabane wa Afurika, aho itegerejwe i Kigali hagati y’itariki 21 na 28 Nzeri 2025.

Tadej Pogačar ahanze amaso muri Shampiyona y’Isi izabera i Kigali muri Nzeri 2025
Tadej Pogačar uri hagati aheruka kwegukana Tour de France ku nshuro ya kabiri yikurikiranya
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27