Manchester United yasinyishije Bryan Mbeumo

Manchester United yasinyishije Bryan Mbeumo

Manchester United yatangaje ko yasinyishije Umunya-Cameroun, Bryan Mbeumo ukina ku ruhande asatira wakiniraga Brentford atanzweho miliyoni 65£.

Ku mugoroba wo ku wa Mbere, tariki ya 21 Nyakanga 2025, ni bwo Manchester United yemeje ko yasinyishije uyu mukinnyi ku masezerano y’imyaka itanu n’undi umwe ashobora kongerwa.

Nyuma yo gushyira umukono ku masezereno yatangaje ko yishimiye kuza mu ikipe y’inzozi.

Ati: “Nkimara kumenya ko hari amahirwe yo kujya muri Manchester United, nagombaga gufata umwanya wo gusinyira ikipe y’inzozi zanjye.”

Yongeyeho ati: “Imitekerereze yanjye ni uguhora meze neza kurenza uko byari bimeze ejo. “Nzi neza ko mfite ubushobozi bukenewe ngo nzamuke ku rundi rwego nkinana n’abakinnyi bo ku rwego rw’isi”

Mbeumo w’imyaka 25 ari mu beza muri Premier League mu mwaka ushize, kuko yatsindiye Brentford ibitego 20.

Yabaye umukinnyi wa gatatu Manchester United yaguze muri iyi mpeshyi nyuma ya Matheus Cunha na Diego Leon.

Bryan Mbeumo yasinye amasezerano y’imyaka itanu muri Manchester United
Mbeumo yahawe nimero 19 muri Manchester United
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27