Haruna Ferouz yagizwe Umutoza Wungirije wa Rayon Sports

Haruna Ferouz yagizwe Umutoza Wungirije wa Rayon Sports

Umurundi Haruna Ferouz wari umutoza mukuru wa Vital’O FC yagizwe umutoza wungurije wa Rayon Sports. 

Rayon Sports nta mutoza wungirije yari ifite nyuma y’uko Umunya-Tunisia, Azouz Lotfi, wazanywe n’Umutoza Mukuru Afahmia Lotfi, nta byangombwa byemewe afite.

Amakipe azakina amarushanwa ya CAF mu mwaka w’imikino wa 2025/26, yasabwe kuba afite umutoza wungirije ufite Licence A y’Impuzamashyirahamwe y’Umupira w’Amaguru muri Afurika.

Ubwo Afahmia Lotfi yari avuye mu biruhuko nyuma yo gusinyira Rayon Sports yasabwe kuzana umutoza wungirije utarengeje umushahara wa 2000 by’amadolari y’Amerika. 

Byarangiye abuza umutoza wungirije ufite ibyangombwa byuzuye ushobora kwemera ayo mafaranga, azana Azouz Lotfi ufite Licence B ya CAF.

Ubuyobozi bwa Rayon Sports bwahise bufata icyemezo cyo gushaka undi mutoza mushya wungirije Azouz Lotfi ntahabwe akazi.

Mu Ijoro ryo ku wa Mbere tariki ya 14 Nyakanga 2025 ni bwo iyikipe yatangaje Harouna Ferouz  nk’umutoza wungirije ku masezerano y’umwaka umwe. 

Haruna uherutse muri Vital’O FC yatoje andi makipe arimo Burundi Sport Dynamik na Flambeau du Centre z’iwabo.

Haruna Ferouz asinya amasezerano y’umwaka yo kuba Umutoza Wungirije wa Rayon Sports
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27