Indege y’Ingabo za Uganda yahanukiye muri Somalia

Indege y’Ingabo za Uganda yahanukiye muri Somalia

Indege y’Ingabo za Uganda yari itwaye abantu umunani yahanutse ihita itangira gushya igeze ku kibuga cy’indege mpuzamahanga kiri mu murwa mukuru wa Somalia, Mogadishu.

Ibiro ntaramakuru bya Leta byatangaje ko inkongi y’umuriro yatangiye  nyuma y’iyo mpanuka ariko iza guhita izimywa n’inzego z’ubutabazi ndetse amashusho yafashwe agaragaza umwotsi mwinshi uzamuka hejuru.

BBC yatangaje ko kugeza ubu icyateye iyo mpanuka cyangwa umubare w’abapfuye n’abakomeretse utaramenyekana ariko iperereza rigikomeje.

Umuyobozi w’Ikigo gishinzwe indege za gisivile muri Somalia, Ahmed Maalim, yabwiye BBC ko iyo ndege yaguye mu gice cya gisirikare cy’icyo kibuga  nyuma yo guhagurukira mu kigo cya gisirikare cya Balidogle giherereye mu karere ka Lower Shabelle mu Majyepfo ya Somalia.

Abatangabuhamya babonye iby’iyo mpanuka bavuga ko bumvise ibiturika nyuma ngo babona umwotsi mwinshi wahise uzamuka utwikira ibintu byinshi ntibyakongera kugaragara.

Ingabo za Uganda ziri mu butumwa bw’amahoro muri Somalia aho ziri gufatanya n’ingabo zaho kurwanya umutwe w’iterabwoba wa al-Shabab, ufitanye isano na al-Qaeda, umaze igihe uteza  umutekano muke muri icyo gihugu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27