Obadiah Noel yahawe ubwenegihugu bw’u Rwanda 

Obadiah Noel yahawe ubwenegihugu bw’u Rwanda 

Umunyamerika Obadiah Noel ukinira APR BBC, yamaze kubona ubwenegihugu bw’u Rwanda, akaba atewe ishema no kuba Umunyarwanda.

Ibi byatangajwe na nyirubwite abinyujije ku rubuga rwa Instagram ahajya ubutumwa bw’amasaha 24, uyu mukinnyi yasangije abamukurikira indangamuntu y’u Rwanda yahawe, avuga ko atewe ishema no kuba Umunyarwanda.

Ubusanzwe itegeko Ngenga ryo ku wa ku wa 16 Nyakanga 2021 rigenga ubwenegihugu Nyarwanda risimbura iryo ku wa 25 Nyakanga 2008 rigaragaza ko abanyamahanga bashaka kuba Abanyarwanda ku mpamvu zirimo ishoramari, impano z’umwihariko zikenewe mu gihugu, icyubahiro n’ibindi.

Uwahawe ubwenegihugu nyarwanda agira uburenganzira n’inshingano nk’iby’Umunyarwanda ufite ubwenegihugu nyarwanda bw’inkomoko, keretse iyo amategeko abiteganya ukundi.

Ubwenegihugu nyarwanda butangwa bushobora no kwamburwa kubera impamvu zirimo kuba uwabuhawe yarabubonye akoresheje amakuru atari yo, inyandiko ihinduye cyangwa irimo ikinyoma cyangwa akoresheje ubundi buriganya ubwo ari bwo bwose n’iyo uwabuhawe yabusabye agambiriye kugambanira Repubulika y’u Rwanda.

Obadiah Noel w’imyaka 26 wavukiye i Maryland muri Leta Zunze Ubumwe za Amerika, yageze mu Rwanda bwa mbere mu 2024 ubwo yari yitabiriye imikino ya BAL mu 2024 na APR BBC. 

Kuva ubwo benshi banyuzwe n’impano ye afite muri uyu mukino ukomeje kwaguka mu Rwanda. 

Obadiah aherutse gufasha APR BBC gusoza ku mwanya wa gatatu muri BAL 2025
Noel Obadiah yavuze atewe ishema no kuba Umunyarwanda
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27