Club World Cup: Manchester City na Inter Milan ntizarenze 1/8

Club World Cup: Manchester City na Inter Milan ntizarenze 1/8

Manchester City yatsinzwe na Al-Hilal yo muri Arabie Saoudite ibitego 4-3 mu mukino wamaze iminota 120 naho Inter de Milan yo mu Butaliyani itsindwa na Fluminense yo muri Brazil ibitego 2-0 zombi zisezererwa muri 1/8 cy’ imikino y’irushanwa ry’Igikombe cy’Isi cy’amakipe.

Iryo rushanwa rikomeje gukinirwa muri Leta Zunze Ubumwe za Amerika.

Imikino yombi yabaye mu ijoro ryo ku wa Mbere, tariki ya 30 Kamena no mu rukerera  kuri uyu wa 1 Nyakanga 2025, ibera ku bibuga bya Camping World Stadium iri mu mujyi wa Orlando na Bank of America Stadium iri mu mujyi wa Charlotte. 

Al Hilal itozwa na Simone Inzaghi, yavuye inyuma itsinda Manchester City ibitego bitatu byatsinzwe na Marcos Leonardo, Malcom na Kalidou Koulibaly.

Manchester City yo yatsindiwe na Bernado Silva, Erling Haaland na Phil Foden.

City ni yo kipe ikomeye i Burayi itunguwe igasezererwa muri iki gikombe.

Umukino wabanje Inter de Milan yo mu Butaliyani yatsinzwe na Fluminense yo muriBrazil ibitego 2-0.

Muri ¼ Al Hilal izahura na Fluminense mu mukino uzaba ku wa 4 Nyakanga 2025.

Kuri uyu wa Kabiri, saa tatu z’ijoro, Real Madrid irahura na Juventus mu mukino wa nyuma wa 1/8.

Al-Hilal yatunguye Manchester City iyisezerera mu Gikombe cy’’Isi cy’Amakipe
Erling Haaland yishimira igitego cya kabiri yatsindiye Manchester City
Uko amakipe azahura kugeza ku mukino wa nyuma uteganyijwe ku wa 13 Nyakanga 2025
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27