Kicukiro: Hakomeje ibikorwa byo kwitegura imurikabikorwa

Kicukiro: Hakomeje ibikorwa byo kwitegura imurikabikorwa
Ubuyobozi bw'akarere ka Kicukiro busura ibikorwa by'abafatanyabikorwa mu cyumweru cyahariwe Abafatanyabikorwa (Foto Clement)

Mu gihe habura iminsi ibiri ngo abafatanyabikorwa b’Akarere ka Kicukiro bamurike ibikorwa byabo, ubuyobozi bw’Akarere n’izindi nzego bakomeje gusura abafatanyabikorwa mu cyumweru cyahariwe Abafatanyabikorwa.

Icyumweru cyahariwe Abafatanyabikorwa cyatangiye ku wa Mbere tariki 06 Kamena kikazarangira tariki 10 Kamena 2022.

Ubuyobozi bwa Kicukiro bwabwiye Imvaho Nshya ko gahunda z’iki cyumweru izasozwa n’imurikabikorwa (Open Day) ry’Abafatanyabikorwa ba Kicukiro kuri uyu wa Gatanu tariki 10 Kamena.

Ku bufatanye bw’Akarere na Komite y’Abagize Ihuriro ry’Abafatanyabikorwa (JADF), ubwo batangiza icyumweru cyahariwe abafatanyabikorwa basuye abafatanyabikorwa ba HVP Gatagara na RCR bashima ibikorwa bafatanyamo n’akarere.

Banashima umusaruro umaze kugerwaho ndetse n’ingamba zo kunoza ibitarakorwa.  

Rukebanuka Adalbert, Umuyobozi Nshingwabikorwa w’akarere wungirije n’itsinda ry’abafatanyabikorwa, ku gicamunsi cyo cyo ku wa Kabiri basuye Believers Eastern Church.

Ni muri gahunda y’icyumweru cyahariwe ibikorwa by’abafatanyabikorwa.

Umuyobozi Nshingwabikorwa w’Akarere ka Kicukiro, Umutesi Solange, aherutse kubwira Imvaho Nshya ko imurikabikorwa ry’abafatanyabikorwa b’Akarere rimurikira abaturage serivisi zitangwa n’aba bafatanyabikorwa.

JADF igizwe n’imiryango nyarwanda itari iya Leta, imiryango mvamahanga itari iya Leta, imiryango ishingiye ku idini, abikorera n’abari mu nzego z’imirimo ya Leta bakorera mu Karere no mu Murenge.

Abafatanyabikorwa ba Kicukiro basobanurira ubuyobozi bw’akarere ibikorwa bakora (Foto Clement)
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27