Prosper Nkomezi yaciye amarenga y’ubufatanye na Mbonyi

Prosper Nkomezi yaciye amarenga y’ubufatanye na Mbonyi

Umuramyi Prosper Nkomezi uri mu bakunzwe mu Rwanda yasangije abamukurikira amafoto ari kumwe na mugenzi we Israel Mbonyi, aca amarenga y’uko baba bafite umushinga w’indirimbo bateganya gukorana.

Yifashishije urubuga rwa Instagram, Prosper Nkomezi, yasangije abamukurikira amafoto bari kumwe kandi bishimye, arandika ati: “Bwana Israel Mbonyi ubona igihe kitageze ngo tubikore.

Israel Mbonyi ajya ahatangirwa ubutumwa, aramusubiza ati “Igihe ni iki Apostle.”

Ni ibintu byishimiwe n’abakunzi b’umuziki wo kuramya no guhimbaza Imana bakurikira abo bahanzi, batangira kwandika bagaragaraza amarangamutima yabo.

Clapton Kibonge ku ikubitiro yanditse ati: “Abantu banjye.”

Uwiyita ntihinyurwa-alex90 yagize ati: “Ni ukuri mubinkorere pe.”

Undi yongeraho ati: “Mugomba kudutegurira ikintu cyiza gikomeye, singe uzarota mubikoze.”

Nubwo aba bahanzi batigeze berura ngo bavuge niba koko hari umushinga bafitanye, ariko hari amakuru avuga ko bafitanye imishinga irimo n’indirimbo bagomba gukorana.

Aba bombi baherutse gukora ibitaramo bagaragarizwa urukundo n’ababyitabiriye.

Nkomezi na Mbonyi, baherukaga guhurira ku rubyiniro mu 2020, ubwo Israel Mbonyi yiyambazaga Prosper Nkomezi mu gitaramo yakoreye muri Kaminuza y’u Rwanda ishami rya Huye.

Mu munezero ugaragara mu mafoto baciye amarenga y’ubufatanye
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27